Хойд Солонгосын онгоц Дорнод аймгийн нутагт газардаж 100 гаруй тооны үхэр ачаад явчихлаа гэх мэдээлэл өнөөдөр олон хүмүүсийн анхаарлыг татаж байна. 2014 оны 12 дугаар сарын 29-ний өдөр Дорнод аймгийн Чойбалсан хотод Хойд Солонгосын ачааны онгоц газардсан нь үнэн болохыг албаныхан нотолж байна.
Монгол Улсын Ерөнхийлөгч Ц.Элбэгдорж 2013 онд БНАСУ-д айлчлал хийх үеэр тус улсад 10 мянган мал өгөхөөр тохиролцсон байдаг аж. Энэ дагуу Солонгос улсаас ачааны онгоц явуулж эр, эм нийлсэн 104 үхрийг үржлийн чиглэлээр авч явжээ. 2014 оны арваннэгдүгээр сард ХХААЯ-ны ажлын хэсэг Дорнод аймгийн Дашбалбар суманд ажиллаж 100 гаруй тооны үхэр худалдаж аваад, Мал эмнэлгийн ажилтнууд эдгээр үхэрт шинжилгээ хийж, бичиг баримтыг нь бүрдүүлсэн байна.
Өмнө нь манай улсаас БНАСУ-д гурил будаа зэрэг хүнсний тусламжийг өгч байсан. Үүнтэй адил тусламжийн зүйл түүнээс хэнд ч мэдэгдэхгүй гэнэт нэг онгоц буугаад үхэр ачаад явчихсан зүйл байхгүй гэдгийг албаны хүн учирлалаа.
Ами
Olloo.mn
Olloo.mn