Д.Номин-Эрдэний хувьд өдгөө Унгар улсад амьдарч байгаа бөгөөд 15 настайдаа эмэгтэйчүүдийн их мастер цолны болзлыг хангалаа. Тэрбээр Монголын эмэгтэй шатарчдаас Их мастер цол хүртсэн дөрөв дэх шатарчин болов.
Д.Номин-Эрдэнэ 10 настайдаа Ази тивийн болон Дэлхийн аварга цолыг нэг жилд дараалан хүртэж байсан юм. Тэрээр 2010 оны долдугаар сард БНХАУ-ын Бээжин хотноо болсон Азийн өсвөрийн аварга шалгаруулах тэмцээний охидын 10 насны ангилалд өрсөлдөж, есөн тойргийн тоглолтоос долоон оноо авснаар Ази тивийн аварга болж байсан юм. Мөн оны аравдугаар сард Грекийн Порто Каррас хотноо болсон өсвөрийн Дэлхийн аварга шалгаруулах тэмцээний охидын 10 насны ангилалд түрүүлсэн. Энэ насанд нийт 107 хүүхэд өрсөлдсөнөөс манай тамирчин чансаагаараа тавдугаарт эрэмбэлэгдэн 11 өргөөс есөн оноо авч өөрийн ангилалдаа түрүүлж, Монгол Улсаас төрсөн анхны өсвөрийн дэлхийн аварга шатарчин болж байсан юм.
Г.Аянга
olloo.mn