БНХАУ-д мах экспортлох боломжтой
ХХАА-н сайд Р.Бурмаа, Бүгд Найрамдах Хятад ард улсаас Монгол Улсад суугаа онц бөгөөд бүрэн эрхт элчин сайд Ван Шао Лун-тай уулзлаа. Уулзалтаар Монгол Улсын Ерөнхийлөгч Ц.Элбэгдорж, БНХАУ-ын дарга Си Зиньпинтэй хийсэн уулзалтын үеэр яригдсан хөдөө аж ахуйн гаралтай бүтээгдэхүүнийг Хятадад татваргүй, хэмжээ харгалзахгүй экспортлох тохиролцоог ажил хэрэг болгохоор салбарын яамны хийж буй ажлыг дэмжиж, туслахыг түүнээс хүссэн юм.

Бээжин хотод болсон хоёр орны Хөдөө аж ахуйн яам хоорондын ажлын хэсгийн зургадугаар хурал, Хүнсний бүтээгдэхүүний экспорт, импортын Дэд сайдын түвшний ажил хэргийн уулзалтаар Монгол Улсын зүүн бүсийн аймгуудад шүлхий, малын гоц халдварт өвчингүй тайван бүс бий болгож, мах экспортлох боломжийг бүрдүүлэх хөтөлбөр боловсруулан хэрэгжүүлэх, хил дамнасан малын халдварт өвчинтэй тэмцэх зэргээр хамтран ажиллахаар тохиролцож, хурлын протокол байгуулсан.

Түүнчлэн Хятадын Чанарын хяналт, шалгалт, хорио цээрийн ерөнхий газрын дэд сайд Ү Чинхайтай элчин сайд Ц.Сүхбаатар уулзахдаа үхэр, хонь, ямааны мах, адууны дайвар бүтээгдэхүүн, бууз, банш, гурил, малын тэжээл, өвс экспортлох, хөдөө аж ахуйн гаралтай бүтээгдэхүүн экспортлох, импортлох үеийн дамжин өнгөрөх үеийн хорио цээрийн нөхцөлийг сайжруулах хэлэлцээ хийх хүсэлтээ илэрхийлсний дагуу ажил хэрэг болгохоор ХХААЯ-наас ажиллаж байна.

Энэ хүрээнд ч өнгөрсөн онд Баян-Өлгий аймагт гарсан шүлхийн тохиолдолд хяналт, хориг тавьсантай холбогдуулан холбогдох арга хэмжээг авч, хориг цуцлуулах албан хүсэлт, дүгнэлтийн хамтаар БНХАУ-ын Чанарын хяналт, шалгалт, хорио цээрийн ерөнхий газарт хүргүүлсэн. Хориг цуцлагдсанаар энэ бүсээс үхэр, хонь ямааны махыг тус улсад экспортлох боломж бүрдэх юм. Өдгөө хоёр орны хил орчмын аймаг, мужууд хоорондын худалдаа, хамтын ажиллагааны сонирхлыг харгалзан Дорнодын Баянхошуу-Өвдөг боомт, Сүхбаатарын Бичигт-Хатавчийн боомтоор хөдөө аж ахуйн гаралтай бүтээгдэхүүн, өвс, тэжээл экспортлох, үржлийн мал, бусад орц импортлох боломжийг бий болгохын тулд Засгийн газраас хорио цээрийн хяналтын нөхцөл бүрдүүлэх шийдвэр гаргасан юм.
Ами
Olloo.mn
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Burmaa egchee hicheegeerei 2015-01-07 07:42:40
    Burmaa guai uul ni neleed shudarga yum yariad baidag bsan. Ta ene asuudal deer hicheegeerei. Amjilt
    202.55.191.132
    Мэдэгдсэн Хариулах
  • 1958.mn 2015-01-07 05:56:29
    Өнөөдөр зарахад бэлэн 6000 орчим ОРОН СУУЦ-н мэдээлэл манай www.1958.mn - д байна. Та өөрийн хэрэгцээнд нийцсэн байрыг манайхаас сонгоорой!
    180.235.185.96
    Мэдэгдсэн Хариулах