Өнгөрсөн ням гаригийн өглөө Индонезийн Сурабая хотоос Сингапурыг зорьсон “Air asia” компанийн “Airbus A320-200” онгоц сураггүй болоод байгаа билээ. Онгоцны ахмад орон нутгийн цагаар 06:12 минутад шуурганы улмаас нислэгийн чиглэлээ өөрчлөх хүсэлт тавьснаас хоёр секундын дараа холбоо тасарчээ. Индонезийн албаныхан “Airbus A320-200” онгоцыг 07:55 минутад албан ёсоор сураггүй болсон хэмээн зарласан юм.
Ингээд эрэн хайх ажиллагааг эхлүүлж гурав хоног хайсны эцэст өнөөдөр Индонезийн төв Калимантан мужийн Борнео арлын ойролцоогоос онгоцных байж болзошгүй төмрийн хэлтэрхий олдсон тухай мэдээлсэн юм.
Тэгвэл энэ хавиас тус онгоцны зорчигчдынх байж болзошгүй цогцоснууд олдсон талаар Индонезийн албаныхан мэдээллээ. Индонезийн аврах, эрэн хайх албаны дарга Суприядийн мэдээлснээр усан дээр хөвж яваа цогцоснуудыг тэнгисийн цэргийн хөлөг онгоцон дээр зөөж гаргаад буй аж. Тэнгисийн усанд хөвж яваа хохирогчдын цогцоснууд аврах хантаазгүй байгааг Индонезийн тэнгисийн цэргийн төлөөлөгч Манахан Симорангкир мэдээлжээ. Эдгээр цогцоснууд “Airbus A320-200” онгоцтой холбоо тасарсан тэнгисийн хэсгийн ойролцоогоос илэрсэн байна.
Ингээд эрэн хайх ажиллагааг эхлүүлж гурав хоног хайсны эцэст өнөөдөр Индонезийн төв Калимантан мужийн Борнео арлын ойролцоогоос онгоцных байж болзошгүй төмрийн хэлтэрхий олдсон тухай мэдээлсэн юм.
Тэгвэл энэ хавиас тус онгоцны зорчигчдынх байж болзошгүй цогцоснууд олдсон талаар Индонезийн албаныхан мэдээллээ. Индонезийн аврах, эрэн хайх албаны дарга Суприядийн мэдээлснээр усан дээр хөвж яваа цогцоснуудыг тэнгисийн цэргийн хөлөг онгоцон дээр зөөж гаргаад буй аж. Тэнгисийн усанд хөвж яваа хохирогчдын цогцоснууд аврах хантаазгүй байгааг Индонезийн тэнгисийн цэргийн төлөөлөгч Манахан Симорангкир мэдээлжээ. Эдгээр цогцоснууд “Airbus A320-200” онгоцтой холбоо тасарсан тэнгисийн хэсгийн ойролцоогоос илэрсэн байна.
Б.Сансартуяа
Olloo.mn
Olloo.mn