Чингэлтэй дүүргийн өндөр настан Н.Баатар гуай өөрийн бичсэн “Монгол” хэмээх танин мэдэхүйн номоо АН-ын нарийн бичгийн дарга Э.Батсуурьт гардуулан өглөө. Тэрээр өөрийн бичсэн номоо гардуулах үеэрээ, “Улсын орны эдийн засаг хүндхэн байгаа энэ цаг үед хүн бүр сэтгэлийн болон эд материалын хандив тусламжийг улсдаа өгөх нь зөв юм. Өмнөд Солонгос мөн л эдийн засгийн хямралд өртсөн байх тэр үед иргэд нь хуруун дахь бөгжөө, чихэн дэх ээмэгээ тайлж өгч байсан гэдэг. Тиймээс би өөрийн зүгээс төр засагтаа хандив өргөх гэсэн юм” хэмээв. Тэрээр Засгийн газарт хандив болгож бичсэн ном болон алтан аяга, мөнгөн аяга, нэг сая төгрөг бэлнээр өгөхөөр зэхээд байгаагаа хэлж байсан юм.
Түүний номыг гардан авсан АН-ын нарийн бичгийн дарга Э.Батсуурь, “Таны номыг авсандаа үнэхээр их сэтгэл хөдөлж байна. Өдий нас хүн тэтгэврийн мөнгөнөөсөө төр засагтаа хандив болгон өгье гээд явж байгаа нь сайхан санагдаж байна. Эхгүй гол байдаггүйтэй адил таны эхлүүлсэн ажил улам өргөжих байх. Танд эрүүл энхийг хүсье” гэв.
Н.Баатар гуайн хувьд өөрийн хандиваа Засгийн газарт өгөхөд бэлэн байгаагаа энэ үеэр илэрхийлж байсан юм.
Г.Уянга
olloo.mn
olloo.mn