Өнгөрсөн долоо хоногийн баасан гаригийн УИХ-ын чуулган дээр МУ-ын Ерөнхий сайд Ч.Сайханбилэгийн Шинжлэх ухааны хүрээлэнгүүдийн талаар хэлсэн үгийг эсэргүүцэж ШУ-ны академийн үйлдвэрчний эвлэлийн хорооныхон өнөөдөр сэтгүүлчдэд мэдээлэл өглөө. Тэд мэдээллийнхээ эхэнд Шийдлийн Засгийн газрын тэргүүний шинжлэх ухааны талаарх ойлголт, мэдлэг нимгэн байгааг хэлж түүний чуулган дээр хэлсэн үгэнд маш их харамсаж буйгаа хэлсэн юм.
Ч.Сайханбилэг сайд хэлэхдээ “Тоо томошгүй олон эрдэм шинжилгээний хүрээлэнгүүдийг нэгтгэн зохион байгуулах, тэдгээрийг их сургуулиудтай холбох, харьяалалд нь шилжүүлэх ажлыг хийнэ. Тухайлбал хөнгөн үйлдвэрийн хөгжлийн судалгаа хүрээлэн, Нэхмэлийн хүрээлэн, Дулааны техник үйлдвэрлэлийн экологийн хүрээлэн, Ой модны сургалт судалгааны хүрээлэн зэрэг байгууллагыг төсвөөс гаргаж ШУТИС-ийн харьяанд шилжүүлнэ. Ийм олон хүрээлэн төсвөөс санхүүжиж байгааг байтугай, ийм нэртэй байгууллагууд байдаг эсэхийг энд олон хүн мэдэхгүй гэдэгт бий хувьдаа эргэлзэхгүй байна” гэсэн юм.
Тэгвэл түүний энэ үгтэй шинжлэх ухааны салбарынхан огт санал нийлэхгүй гэдгээ хэлж, манайд одоохондоо хүрээлэнгүүдийг их сургуулиудтай нэгтгэх боломж байхгүй. Гадны судалгааны томоохон их сургуулиудын зэрэгт хүрсний дараа л их сургууль, хүрээлэн хоёрыг нэгтгэх боломжтой гэлээ. Түүнчлэн манайд Ерөнхий сайдын хэлсэн шиг төсвөөс санхүүжиж байгаа тоо томшгүй олон хүрээлэн байхгүй хэмээн ШУ-ы үйлдвэрчний эвлэлийн хорооны дарга П.Баяр хэлсэн юм.
Манай улсад төсвөөс санхүүжилт авдаг 20 хүрээлэн байдаг байна. Засгийн газар, Сангийн яамны судалгаагаар ШУ-ы хүрээлэнгүүдийг их сургуулиудтай нэгтгэснээр 600 сая төгрөг хэмнэх тооцоо байгаа тухай албан бус мэдээлэл байгааг дуулгалаа. 600 сая төгрөг хэмнэхийн тулд ШУ-ы салбараа гаргуунд гаргадаг ямар ч улс орон энэ дэлхийд байхгүй гэдгийг хэвлэлийн бага хурал зарласан эрдэмтэд хэлж байлаа. Түүнчлэн эрдэмтэд улс орны эдийн засгийн нөхцөл байдлаас шалтгаалж бүх салбар хэмнэлтийн горимд шилжсэн байгаа ч гэсэн эрдэмтэд эдийн засгийн хямралд хүргээгүй гэдгийг санах хэрэгтэй гэсэн юм. Тиймээс тэд шинжлэх ухааны хүрээлэнгүүдийг их сургуулиудтай нэгтгэх болсныг эсэргүүцэж өнөөдөр Ерөнхий сайдад мэдэгдэл хүргүүлэхээр болжээ.Мөн энэ сарын 30-д Чингисийн талбайд жагсаал хийхээ мэдэгдлээ.
Ч.Сайханбилэг сайд хэлэхдээ “Тоо томошгүй олон эрдэм шинжилгээний хүрээлэнгүүдийг нэгтгэн зохион байгуулах, тэдгээрийг их сургуулиудтай холбох, харьяалалд нь шилжүүлэх ажлыг хийнэ. Тухайлбал хөнгөн үйлдвэрийн хөгжлийн судалгаа хүрээлэн, Нэхмэлийн хүрээлэн, Дулааны техник үйлдвэрлэлийн экологийн хүрээлэн, Ой модны сургалт судалгааны хүрээлэн зэрэг байгууллагыг төсвөөс гаргаж ШУТИС-ийн харьяанд шилжүүлнэ. Ийм олон хүрээлэн төсвөөс санхүүжиж байгааг байтугай, ийм нэртэй байгууллагууд байдаг эсэхийг энд олон хүн мэдэхгүй гэдэгт бий хувьдаа эргэлзэхгүй байна” гэсэн юм.
Тэгвэл түүний энэ үгтэй шинжлэх ухааны салбарынхан огт санал нийлэхгүй гэдгээ хэлж, манайд одоохондоо хүрээлэнгүүдийг их сургуулиудтай нэгтгэх боломж байхгүй. Гадны судалгааны томоохон их сургуулиудын зэрэгт хүрсний дараа л их сургууль, хүрээлэн хоёрыг нэгтгэх боломжтой гэлээ. Түүнчлэн манайд Ерөнхий сайдын хэлсэн шиг төсвөөс санхүүжиж байгаа тоо томшгүй олон хүрээлэн байхгүй хэмээн ШУ-ы үйлдвэрчний эвлэлийн хорооны дарга П.Баяр хэлсэн юм.
Манай улсад төсвөөс санхүүжилт авдаг 20 хүрээлэн байдаг байна. Засгийн газар, Сангийн яамны судалгаагаар ШУ-ы хүрээлэнгүүдийг их сургуулиудтай нэгтгэснээр 600 сая төгрөг хэмнэх тооцоо байгаа тухай албан бус мэдээлэл байгааг дуулгалаа. 600 сая төгрөг хэмнэхийн тулд ШУ-ы салбараа гаргуунд гаргадаг ямар ч улс орон энэ дэлхийд байхгүй гэдгийг хэвлэлийн бага хурал зарласан эрдэмтэд хэлж байлаа. Түүнчлэн эрдэмтэд улс орны эдийн засгийн нөхцөл байдлаас шалтгаалж бүх салбар хэмнэлтийн горимд шилжсэн байгаа ч гэсэн эрдэмтэд эдийн засгийн хямралд хүргээгүй гэдгийг санах хэрэгтэй гэсэн юм. Тиймээс тэд шинжлэх ухааны хүрээлэнгүүдийг их сургуулиудтай нэгтгэх болсныг эсэргүүцэж өнөөдөр Ерөнхий сайдад мэдэгдэл хүргүүлэхээр болжээ.Мөн энэ сарын 30-д Чингисийн талбайд жагсаал хийхээ мэдэгдлээ.
Б.Сансартуяа
Olloo.mn
Olloo.mn