Цаг агаарын дулаарлаас цасан спортын тэмцээн зохион байгуулах орны тоо буурчээ

Уур амьсгалын өөрчлөлтийн нөлөөлөл цасан спортын тэмцээнийг зохион байгуулах улс орнуудын тоог бууруулахаар байна гэж олон улсын Олимпын хороо /ОУОХ/ мэдэгдэв. Цаг агаарын дулаарлаас хамаарч 2040 он гэхэд ердөө 10 улс өвлийн олимпын спортыг зохион байгуулах боломжтой болно гэж тэд үзэж байна. Ирэх онд болох Парисын наадмын өмнөхөн 2030, 2034 оны өвлийн олимп, паралимпын наадмыг зохион байгуулагчдын нэр тодорно. "Уур амьсгалын өөрчлөлтийн нөлөөг харгалзан өвлийн Олимпын наадмыг зохион байгуулах эргэлтийн тогтолцоо, хөтөлбөрийн бүтэц, мөс, цасан дээрх спортын төрөл бүрийн хэрэгцээ болон бусад олон зүйлийг хэлэлцэх шаардлага үүсээд байна” гэж ОУОХ-ны ерөнхийлөгч Томас Бах хэлжээ.

Учир нь уур амьсгалын өөрчлөлтийн сөрөг нөлөөнөөс үүдэн “Бээжин-2022” бараг 100 хувь хиймэл цас ашигласан анхны наадам байжээ. Хиймэл цасыг анх 1980-аад онд өвлийн спортод ашиглаж ирсэн юм байна. “Ванкувер-2010”, “Сочи-2014”, “Пёнчан-2018” зэрэгт тодорхой хэмжээгээр хиймэл цасанд түшиглэсэн ч өнгөрсөн жил Хятадын нийслэлд хиймэл цасны хэрэглээ урьд өмнө байгаагүй өндөр түвшинд хүрчээ. 100 гаруй цасны үүсгүүр, 300 гаруй цас бударгагч буу ажиллуулж, цанын төрлийн талбайг бэлтгэж байжээ. 2030 оны өвлийн спортын наадмыг зохион байгуулахаар АНУ, Швед, Швейцарь, Францын Солт Лейк хот өрсөлдөж байна.

www.bbc.com

Орчуулсан: Б.Гэрэлзаяа

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.