Боловсролын багц хуулийн шинэчлэлийн хүрээнд Монгол Улсын Засгийн газар 2023-2024 оны хичээлийн жилээс эхлэн 2030 он хүртэл багшийн мэргэжил сонгон суралцаж байгаа оюутнуудын төлбөрийг 100%, багшаар ажиллаж байгаа хүмүүс дотооддоо магистрт суралцахад сургалтын төлбөрийг 100% Засгийн газар хариуцах шийдвэрийг Ерөнхий сайд өнөөдөр зарлав. Ингэхдээ багшаар элсэн суралцах оюутнуудын элсэгчдийн чанарыг дээшлүүлэх, босго оноог өсгөх, МУБИС-ийн хөтөлбөр, анги танхимын шинэчлэлийг цогцоор нь хэрэгжүүлнэ.

2023 онд Боловсролын салбарын гүйцэтгэлд суурилсан санхүүжилт, төсвийн тодотголоор багш нарын цалин дунджаар 55%-иар нэмэгдээд байна. Цаашид хуулийн шинэчлэлийн хүрээнд багшийн нийгмийн баталгааг хангах, олон улсад богино, дунд, урт хугацааны сургалт, сургуулиудад хамрагдах зэрэг ажлуудыг үе шаттай хийнэ.

Оллоо.мн