''Эх оронч сурагч'' зорилтот аялал эхэллээ

Хүүхэд, залууст эх оронч үзлийг төлөвшүүлэх, экологийн боловсрол олгох, монгол ахуй, соёлыг таниулах зорилгоор “Эх оронч сурагч” төслийн хүрээнд зорилтот аяллыг зохион байгуулж байна. Энэ хүрээнд нийслэлийн ерөнхий боловсролын сургуулиудын 40 сурагч зургаан шөнө, долоон өдрийн хугацаанд Халх голын сав нутгаар аялж, цэргийн анги, заставын үйл ажиллагаатай танилцах юм.

Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч З.Төмөртөмөө:

-Энэхүү аяллыг Хил хамгаалах ерөнхий газар, НЗДТГ, Нийслэлийн Цэргийн штаб, Нийслэлийн Боловсролын газартай хамтран зохион байгуулж байна. Аялалд хамрагдах хүүхдүүдийг сурлага, урлаг, спортын амжилт, нийгмийн идэвх, оролцоо зэрэг үзүүлэлтээр сонгон шалгаруулсан. Сурагчид ч, эцэг эхчүүд ч аяллыг баяртай хүлээн авч байна хэмээлээ.

Хилийн 0208 дугаар тусгай салбар /Хилчин спорт хороо/-ын сургалтын офицер, "Эх оронч сурагч" төслийн менежер Д.Батсүмбэрэл:

-Хүүхэд, залууст цэрэг, эх оронч үзлийг төлөвшүүлэх үндэсний хөтөлбөрийн хүрээнд зохион байгуулж буй “Эх оронч сурагч” зорилтот аяллыг улс, нийслэл, аймгийн хэмжээнд гурван үе шаттай зохион байгуулахаар төлөвлөж байна. Аялалд оролцох сурагчдыг сонгож шалгаруулсан. Мөн зорилтот бүлгийн хүүхдүүдийг хамруулж буй. Сурагчдын аюулгүй байдлыг хангахаар эцэг эх, асран хамгаалагчтай нь гурвалсан гэрээ байгуулсан гэсэн юм.

Хил хамгаалах ерөнхий газрын Захиргааны удирдлагын газрын дарга, хурандаа Д.Амарсанаа:

-Монгол Улсад орчин цагийн хил хамгаалах байгууллага үүсэж хөгжсөний 90 жилийн ой энэ жил тохиож буй. Үүнтэй холбогдуулан “Эх оронч сурагч” аяллыг зохион байгуулж байна. Сурагчид Дорнод аймгийн зэвсэгт хүчний 327 дугаар анги, хилийн 0198 дугаар анги, Их бурхантын заставт очиж, үйл ажиллагаатай нь танилцахаас гадна олон төрлийн тэмцээн, сонирхолтой арга хэмжээнд оролцох юм хэмээлээ.

Багахангай дүүргийн "Хангай" цогцолбор сургуулийн 11б ангийн сурагч Б.Мөнхтүшиг:

-Аялалд оролцох болсондоо маш их баяртай байна. Монголынхоо үзэсгэлэнт газраар аялахаас гадна ахуй, соёлтой танилцаж, эх орноо илүү сайн таньж мэднэ гэдэгтээ итгэлтэй байна гэсэн юм.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Уншигч 2023-06-19 11:38:20
    Төсөл хөтөлбөр, нийгэм рүү чиглэсэн аливаа сургуулийн асуудал чимээгүй тэрүүхэндээ болоод л өнгөрөх юмаа. Нээлттэй ил тод зарчим үйлчлэхгүй шударга бус байх юм