Эрүүл мэнд, спортын яамны харьяанд 150 ортой Хүүхдийн эмнэлэг байгуулахаар Засгийн газрын өнгөрсөн долоо хоногийн хуралдаанаар шийдвэрлэсэн. Тус хуралдаанаар Соёл, спорт, аялал жуулчлалын яамны байрыг хүүхдийн эмнэлэг болгохоор шийдвэрлэсэн байсан юм.

Үүнийг УИХ-ын чуулганаар гишүүдийн олонх дургүйцэж байсан. Тиймээс хүүхдийн эмнэлгийг  Зам, тээврийн яамны байранд байрлуулахаар  болж,  үйл ажиллагааг нь ирэх оны хоёрдугаар сарын 1-ний дотор эхлүүлэх бэлтгэлийг хангаж ажиллахыг Эрүүл мэнд, спортын сайд Г.Шийлэгдамбад үүрэг болголоо.

Харин Зам тээврийн яамыг Соёл, спорт, аялал жуулчлалын яамны байрлаж байсан байранд шилжүүлэхээр болжээ.