УИХ дахь АН-ын бүлгийн дарга Д.Эрдэнэбат Аж үйлдвэрийн сайд болохдоо «Одоо миний ээлж болсон» хэмээгээд дээлээ давхарлаад өмсчихсөн. Налгар урт намрын дараа хахир хүйтэн өвөл айчлан ирсэн тул Д.Эрдэнэбат дарга дээлээ давхарлаж байгааг шууд утгаар нь ойлгочихвол толгой эргэхгүй амар. Дарга нь томроод явж өгсөн болохоор өнөөдөртөө АН-ын бүлгийн даргын үүргийг дэд дарга С.Одонтуяа хариуцан гүйцэтгэж байгаа. Энэ ч үүднээс С. Одонтуяа дарга өчигдөр өглөөгүүр сэтгүүлчдэд мэдээлэл хийхээр зар тараачихсан чинь төрийн ордны мэдээлэл хийдэг хэдхэн өрөө хүрэлцээгүй тул аргагүй эрхэнд хойшлуулсан.
Жендерийн гэмээр энэхүү гадуурхалт С.Одонтуяа даргыг багагүй бухимдуулсан бололтой. Төрийн ордны хонгилоор яаруухан алхах түүнээс мэдээллээ яагаад хойшлуулсныг нь асуувал «Өрөө олдохгүй байна. Үдээс хойш л болохоос биш» хэмээн ууртайхан дуугарчихаад түргэн түргэн алхсаар яваад өгнө лээ. Уг нь Д.Эрдэнэбат дарга байхдаа төрийн ордны «А» танхимыг эзэгнэж, сүртэйхэн мэдээлэл хийдэгсэн. Тэгвэл одоо байдал өөрчлөгдөж, жендерийн асуудал ч сөхөгдөх бололтой.
Жендерийн гэмээр энэхүү гадуурхалт С.Одонтуяа даргыг багагүй бухимдуулсан бололтой. Төрийн ордны хонгилоор яаруухан алхах түүнээс мэдээллээ яагаад хойшлуулсныг нь асуувал «Өрөө олдохгүй байна. Үдээс хойш л болохоос биш» хэмээн ууртайхан дуугарчихаад түргэн түргэн алхсаар яваад өгнө лээ. Уг нь Д.Эрдэнэбат дарга байхдаа төрийн ордны «А» танхимыг эзэгнэж, сүртэйхэн мэдээлэл хийдэгсэн. Тэгвэл одоо байдал өөрчлөгдөж, жендерийн асуудал ч сөхөгдөх бололтой.
Өглөөний сонин