Цаас болсон ''төгрөг''
ҮСХ-ноос мэдээлснээр өнгөрсөн оны 12 дугаар сарын байдлаар Монголбанкнаас зарласан төгрөгийн ам.доллартай харьцах сарын дундаж ханш 3431.29 төгрөг болж, өмнөх оны мөн үеийнхээс 582.32 төгрөгөөр суларчээ.
 
Төгрөгийн ханш суларсан шалтгаан:
 
  1. Төсвийн алдагдал өндөр буюу хэт тэлсэн төсөв баталж байна. Төсвийг алдагдалтай батлах нь эргээд мөнгөний бодлогын эрчийг сулруулж, инфляцийг өдөөж байгааг мэргэжилтнүүд анхааруулдаг.
  2. Төлбөрийн тэнцэл тааруу буюу ам.долларын орох урсгал хангалттай бус байна. Үүнд манай улсын нийгэм, эдийн засгийн байдал, эрх зүйн орчин нөлөөлж байна. Олон улсын мэргэжлийн байгууллагуудын зүгээс Монгол Улсыг гадаадын хөрөнгө оруулагчдад ээлтэй хууль эрх зүйн орчныг бүрдүүлэхийг олон жилийн өмнөөс анхааруулж ирсэн. Өнгөрсөн онд “Хөрөнгө оруулалтын банкны тухай хууль” батлагдсан ч уг хууль үр дүн өгөх эсэх нь тодорхойгүй байгаа юм.
  3. Иргэдийн төгрөгт итгэх итгэл буурч байна. Зах зээлийн хүлээлтээс үүдсэн ам.долларын ханшийн хөөсрөл байна гэдгийг эдийн засагчид хэлдэг. Хэдийгээр бодлогын хүү өссөн нь төгрөгийн хадгаламжийн өгөөжийг нэмсэн ч  иргэд валютын хадгаламжинд мөнгөө байршуулах сонирхол их байна.
Мөн төгрөг хамгийн сул ханштай валютуудын 14-р байрт эрэмбэлэгджээ.


Мөн нэгэн сонирхолтой тооцоолол хийхэд: Боодол цаас 15.000 төгрөг. Дотроо 500 ширхэгтэй гэхээр 1 ш цаас 30 төгрөг. Нэг ширхэг А4-ийн цаасыг нэг төгрөгний хэмжээтэй цаас болгон хуваавал 9 ширхэг болно. Тэгэхээр 1 төгрөгийн хэмжээтэй нэг ширхэг цаасны үнэлгээ ойролцоогоор 3.3 төгрөг болж байна. Энэ нь монгол төгрөг цааснаас ч үнэ цэнэгүй болсныг батална.

ErenNews.mn
Н.Элбэгжаргал
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Зочин 2023-09-24 10:40:35
    1 төгрөг бол 5 төгрөг 10 төгрөг 20 төгрөг монгол мөнгө дэвсгэрт энэ 4 мөнгө дэвсгэр Ашиглах ёстой монголчуудаа хаях биш хэзээ ч нэг цаг мөнгө олдохгүй цаг