СЗХ: Төлбөр тооцоог үндэсний мөнгөн тэмдэгтээр гүйцэтгэнэ

Монгол Улсын нутаг дэвсгэр дээр бараа, ажил, үйлчилгээний үнэ, үнийн саналыг зөвхөн үндэсний мөнгөн тэмдэгт төгрөгөөр илэрхийлж, төлбөр тооцоог төгрөгөөр гүйцэтгэх эрх зүйн орчинг бүрдүүлж 2009 онд Төлбөр тооцоог үндэсний мөнгөн тэмдэгтээр гүйцэтгэх тухай хуулийг УИХ-аас баталж, мөрдөж эхэлсэн.

Санхүүгийн зохицуулах хороо нь иргэн, хуулийн этгээдийн гадаад валют болон тооцооны нэгжээр бараа, ажил, үйлчилгээний үнэ, үнийн саналыг илэрхийлж, төлбөр тооцоог гүйцэтгэх, зар сурталчилгаа явуулах зэрэг хууль бус үйлдэлд хяналт тавьж, хариуцлага ногдуулан ажиллаж байна. Гэтэл сүүлийн үед Монгол Улсын үндэсний мөнгөн тэмдэгт төгрөгийн ханшийг үнэгүйдүүлж, иргэд, хуулийн этгээдийн бодит орлого болон худалдан авах чадварыг тогтворгүй болгох зорилгоор зарим иргэн, хуулийн этгээд гадаад валют болон тооцооны нэгжээр бараа, ажил, үйлчилгээний үнэ, үнийн саналыг илэрхийлж, төлбөр тооцоог гүйцэтгэх, зар сурталчилгаа явуулах зэрэг хууль бус үйлдэл гаргасаар байна. Иймд иргэн та Монгол Улсын нутаг дэвсгэрт төгрөгөөр төлбөр тооцоог гүйцэтгэх эрх ашгийг хохироож, гадаад валют, тооцооны нэгжээр үнэ тогтоож, гүйцэтгэж байгаа болон олон нийтэд зар сурталчилгаа явуулж буй хууль бус үйлдлийн талаарх бодит мэдээллийг Санхүүгийн зохицуулах хорооны 51-261659, 51-261275 дугаарын утас, mntugrug@frc.mn цахим хаягаар илгээнэ үү.

Мөн аливаа иргэн, хуулийн этгээдүүд нь Төлбөр тооцоог үндэсний мөнгөн тэмдэгтээр гүйцэтгэх тухай хуулийг биелүүлээгүй тохиолдолд Зөрчлийн тухай хуулийн 11.30 дугаар зүйлийн 1.2-т “... гадаад валют, тооцооны нэгжээр үнэ тогтоосон, эсхүл төлбөр тооцоо гүйцэтгэсэн, эсхүл зарлан сурталчилсан бол тухайн үйл ажиллагаанаас олсон хөрөнгө, орлогыг хурааж хүнийг дөрвөн мянган нэгжтэй тэнцэх хэмжээний төгрөгөөр, хуулийн этгээдийг дөчин мянган нэгжтэй тэнцэх хэмжээний төгрөгөөр торгоно”, мөн зүйлийн 2.-т “Тусгай зөвшөөрөлтэй хуулийн этгээд зөрчлөө арилгах талаар эрх бүхий байгууллагаас тавьсан шаардлагыг хэрэгжүүлээгүй бол тусгайлан олгосон эрхийг хасаж хуулийн этгээдийг дөчин мянган нэгжтэй тэнцэх хэмжээний төгрөгөөр торгоно” гэж тус тус заасны дагуу хариуцлага оногдуулахыг үүгээр анхааруулж байна.

 

САНХҮҮГИЙН ЗОХИЦУУЛАХ ХОРОО

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Зочин Дорнод 2022-09-27 10:19:18
    Банкинд МБ, банкнаас бусад хуулийн этгээд, иргэнд СЗХ хяналт тавина. гэсэн хуультай ЭХЛЭЭД ЭДГЭЭРТ ХАРИУЦЛАГА ТООЦООД ӨГӨӨЧ. Дээрх 2 байгууллага ажлаа хийгээч.....