Үнэ, чанараа тэнцүүл
Дүрэмт хувцас өмсөнө, өмсөхгүй гэх талцал үнэн хэрэгтээ иргэдийн маргалдах ёстой сэдэв биш юм. Дэлхийн ихэнх улс орнуудын сурагчид нас, насны ангиллаар сургуулийн дүрэмт хувцас өмсдөг. Энэ нь нийтлэг зарчим болоод удаж байна.
 
Зах зээлд үүсээд буй дүрэмт хувцасны үнийн хөөсрлө иргэдийг бухимдуулж байгаа нь үнэн. Гэхдээ өндөр үнэтэйгээ адилхан чанартай байвал нийтээрээ хүлээн зөвшөөрнө. Эдэлгээ, насжилт муутай, чанаргүй материалтай тэгсэн мөртлөө тэнгэрт хадсан үнэтэй дүрэмт хувцас л гол асуудал болоод байна.
 
Ялангуяа бага ангийн сурагчид дүрэмт хувцсаа амархан бохирдуулах, урах, ханзлах явдал түгээмэл гардаг. Тэр бүрд угааж, индүүдэх, оёж, засахад эдэлгээ даахгүй, өнгөө алддаг. Ингээд л шинэ дүрэмт хувцас авах хэрэг болдог. Үүнээс болоод л эцэг эхчүүд чанаргүй дүрэмт хувцаснаас халшраад байгаа юм.
 
Нөгөө талаар хямдхан материал богино хэрэглээтэй байхаас гадна эрүүл мэндийн наад захын шаардлага хангахгүй байна. Цэвэр даавуун материал ашиглаагүй дүрэмт хувцас өмссөнөөр харшил өгөх, хүүхдийн биед тухгүй байх, босож, сууж чөлөөтэй хөдөлгөөн хийхэд саад болдог гээд тоочвол дутагдалтай тал олон бий. Иймээс л сурагчдын дүрэмт хувцасны чанарын асуудал анхаарал татаж байгаа юм.
 
Сургуулийн дүрэмт хувцас сурлагын амжилтад нөлөөлдөггүй ч сурагчийн төлөвшилд нөлөөлдөг. Иймд чанараасаа давсан үнэ, хэрэглээнээс хэтийдсэн ханшийг бууруулдаггүй юмаа гэхэд ахиж өсгөмөөргүй байна.
 
ErenNews.mn
Н.Элбэгжаргал
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.