Монголбанкны эрх хүлээн авагчид уу, Б.Лхагвасүрэнгийн эрх хүүхдүүд үү
Төв банк төсвийн мөнгөөр “наадаж” байна. Товчхондоо Б.Лхагвасүрэн Монголбанкийг удирдах биш дампууруулах нь. Үүнийгээ ихэд нууцалж байгаа бөгөөд эргэн тойрны албан тушаалтнууддаа бараг л хөрөнгө тастаж өгсөн бололтой.
 
Тодруулбал, монголбанкны ерөнхийлөгч Б.Лхагваүрэн М.Мөнх-Өлзий нарын нэр бүхий хүмүүст тус бүр 200 сая төгрөгийн урамшуулал олгох шийдвэр гаргажээ.
 
Урамшуулал авагчид нь Капитал банкны эрх хүлээн авагчаар томилогдон ажилласан Монголбанкны М.Мөнх-Өлзий, Т.Одонтунгалаг, А.Шижирмаа, М.Адилбиш, Т.Дэлгэрхүү нар болон ХЗДХЯ-ны ажилтан Б.Мөнгөнсүх. тэд тус бүр 200 сая, нийт 1.2 тэрбум төгрөг хүртсэн.
 
Зарим эх сурвалжийн хэлж буйгаар тэрхүү хөрөнгийг өнөөх дампуурсан Капитал банкнаас гаргуулсан гэх нь ч бий. Дампуурчихлаа хэмээн сүр дуулиан болгосон банкнаасаа урамшуулал хүртэнэ гэдэг бас л том эрх мэдэл биз.
 
Энэ тухайгаа мань Б.Лхагвасүрэн ихэд нууцалж байгаа ч эх сурвалжуудын хэлснээр хөөрхий урамшуулал хүртэгсэд нь ХОМ-тээ бичсэнээр ил болчхоод сандарч байгаа аж. Б.Лхагвасүрэн 2019 оны 4 дүгээр сарын 08-ны өдрийн А-96 дугаар тушаалаар “Капитал банк” ХХК-ийг албадан татан буулгах шийдвэр гаргаж, дээрх хүмүүсийг Банкны эрх хүлээн авагчаар томилсон. Тухайн онд дээрх нөхдийн ХОМ-т өөрсдийн орлого нь 200 сая төгрөгөөр нэмэгдсэн байгаа юм.
 
Урамшуулал хүртэгчдийн дунд байгаа М.Мөнх-Өлзийн хувьд Гадаадын иргэн харъяатын газрын дарга Д.Мөрөнгийн хүүхэд бөгөөд 2015 оноос эхлэн Монголбанкинд ажиллаж, 2017 оноос хойш тус банкны Хянан шалгагч болсон. Харин 2019 онд Монголбанкнаас Капитал банкны эрх хүлээн авагчийн зөвлөлийн гишүүнээр томилогдсон. Урамшуулал авсны баталгаа нь түүний ХОМ-т дэлгэрэнгүй байх бөгөөд 2018 онд 121.264.480 төгрөг байсан бол 2019 онд мэдүүлэг гаргагчийн орлого 355.466.490 болж нэмэгджээ.
 
Мөн Монголбанкны хянан шалгагч Т.Одонтунгалаг Банкны эрх хүлээн авагчийн орлогчоор томилогдон ажиллаад 2018 онд 45 сая 246 мянган төгрөг байсан орлогоо 2019 онд 121 сая 255 мянга болж өссөн байгаа юм.
 
Энэ мэтчилэн А.Шижирмаа,  М. Адилбиш, Т.Дэлгэрхүү нар болон ХЗДХЯ-ны ажилтан Б.Мөнгөнсүх нарын орлого 2019-2020 онд 150-200 сая төгрөгөөр өссөн байгаа юм.
 
Гэтэл эдийн засаг хүнд байна хэмээн дээр дооргүй бүсээ чангалахыг уриалж байгаа хэрнээ Монголбанкныхан хэдэн зуун саяар урамшуулал хүртэж байгаа нь хэр зохистой үйлдэл вэ.
 
Ингээд ч зогсохгүй Капитал банкны өрийг багасгах бус харин ч эсрэгээрээ эрх хүлээн авагчид нь их хэмжээний мөнгө хүртэж суугаа нь олон нийтэд тийм ч таатай үйлдэл биш баймаарсан.
 
Төв банкны ерөнхийлөгч гэхээр эрх мэдэл төрөөс хэрэгжүүлж буй дүрэм, журам, шийдвэрүүдээс давна гэж байхгүй дээ.
ErenNews.mn
Б.Төгөлдөр
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Зочин 2022-08-16 13:59:15
    Бүгд эрх бүхий албан тушаалтны арын хаалганы ноход
  • зочин 2022-08-15 04:30:52
    болиочээ хураан аваад ажилгүй болгооч нөгөө авилга албан тушаалтантай хариуцлага тооцно гээд байсан хүмүүс хаана байна чөмөгөө царцаасан уу
  • зочин 2022-08-15 03:50:09
    шалгаад хурааж аваачээ Арай ч дээ