НИТХ, нийслэлийн ерөнхий төлөвлөгөөний газраас Түргэн үйлчилгээний цэгийг шинэчлэх ажлын хүрээнд энэ оны дөрөвдүгээр сарын 21-ний өдөр батлагдсан 56 дугаар тогтоолын дагуу “КИГ” ХХК-ийн гүйцэтгэсэн “ТҮЦ”-ийн нээлтийн үйл ажиллагаа өчигдөр Хан-Уул дүүргийн нутаг дэвсгэрт орших олны нэрлэж заншсанаар “19-ийн” автобусны буудал дахь Ажилчны талбайд боллоо.
Уг ёслолд Хүнс, худалдаа үйлчилгээний хэлтсийн дарга О.Нарантуяа, “КИГ” ХХК-ийн захирал Д.Мөнхбат, Баянгол болон Хан-Уул дүүргийн жижиглэнгийн худалдаа эрхлэгчдийн төлөөлөл оролцов. Нийслэлийн маань өнгө үзэмжид нийцсэн загварлаг эко ТҮЦ удахгүй А, Б зэрэглэлийн гудамж талбайд байрлаж эхлэхээр болжээ. Хамгийн гол нь худалдаа эрхлэгчид хийгээд худалдан авагчдын хэрэгцээ шаардлагад нийцсэн дотоод зохион байгуулалттайгаар үйлдвэрлэгдэнэ гэдгийг албаныхан энэ үеэр онцолж байсан юм.
Мөн ТҮЦ-ийн газрын асуудал тулгамдсан асуудлын нэг болоод байгаа гэдгийг компанийн удирдлагууд хэлж байв. Учир нь байршлыг автобусны буудлаас зайдуу байхаар зохицуулсан нийслэлийн журам байдаг учраас ТҮЦ-ийн үйлчилгээ эрхлэгчдэд орлогоос эхлээд асуудал үүсдэг хэмээн худалдаа эрхлэгчид онцоллоо. Нээлтийн ёслолд оролцсон албан тушаалтнуудын сэтгэгдлийг энэ үеэр сонслоо.
-Нийслэлийн жижиглэн худалдаа эрхлэгчдээ дэмжих зорилгоор НИТХ-аас ТҮЦ-ийг шинэчлэх тогтоол гаргасан. Ямар загвар хийцтэй ТҮЦ байх вэ гэдгийг нь журамласан. Тэр журмын дагуу зураг төсөл нь батлагдсан.
Одоогоор хоёр загварын ТҮЦ байгаа юм. Энэ журмын дагуу “КИГ” компани санал тавьж, Захирагчийн ажлын албаны дэмжлэгтэйгээр Ерөнхий төлөвлөгөөний газраас зураг төслийг нь баталсан. Энэ журмын дагуу жижиглэн худалдаа эрхлэгчид маань үйл ажиллагаагаа явуулах учиртай юм. Өмнө нь жижиглэн худалдаа эрхлэгчийн ТҮЦ-ийн асуудал ихээхэн хүндрэлтэй байлаа. Юм л бол хөөгдөж, туугддаг. ТҮЦ-ийнхээ гадаад өнгө үзэмжийг сайжруулья гэхээр маргааш нь хөөгддөг. Засч сайжруулах боломжгүй байсан.
Харин Нийслэлийн Засаг дарга Э.Бат-Үүл бидэнд үүрэг өгөөд, түүнийх нь дагуу бид журамласан. Бидний гол зорилго бол эхний хоёр, гурван жилдээ хотын төвийн А, Б зэрэглэлдээ яг стандартын дагуу ТҮЦ-ийг хязгаартай тоогоор байрлуулахыг зорьж байна. Журамдаа 12-15 ам.метр талбайтай гаднаасаа ордог, дотор талдаа халаалтыг нь шийдсэн, био 00 тавигдсан, мөн дээр нь жижиглэн худалдаа эрхлэгчдийнхээ эрх, үүрэг зэргийг тодорхой тусгасан. Тухайлбал, гадна талын таван метрийн радиусынхаа тоос шороогоо худалдаа эрхлэгчид өөрсдөө цэвэрлэх юм.
Захын хорооллын иргэдийг заавал ийм загвартай ТҮЦ-тэй бол гэж шахахгүй. Өөрсдийнхөө боломжид тааруулаад засч сайжруулаад үйлчилгээгээ эрхлээд явах бололцоотой. Байрлуулах стандартыг мөн баталчихсан байгаа. Олгох нөхцөл болон байршлыг дүүргийн Худалдаа үйлчилгээний хэлтэс шийдэх юм.
-Хоёр жил гаруйн хугацаанд маргаантай байсны эцэст шийдвэрлэгдэж байгаа асуудал юм. Гэхдээ бүрэн шийдвэрлэгдээгүй. Аль болох чанартай хотын өнгө төрхийг алдагдуулахгүй олон улсын стандартад нийцсэн загвартай түргэн үйлчилгээний цэгийг захиалгын дагуу гүйцэтгэлээ.
Онцлогийнх нь талаар дурьдвал, гадна талдаа 25 ваттын найман гэрэлтүүлэгтэй, урд талын цонхны дээд хэсэгтээ хоёр сүүдрэвчтэй. Материалын хувьд үнэхээр сайн чанарын материалаар хийгдсэн. Мөн хамгийн гол онцлог нь цэвэр модон хийцтэй. Модон хийцтэй болохоор нэгдүгээрт, төмөр ТҮЦ-ийг бодвол эдэлгээ сайтай. Хоёрдугаарт, тордлого сайн авна.
Гуравдугаарт дулаахан, мөн агаар сэлгээ сайтай. Дотроо 00, угаалтуур гээд бүх зүйлийг нь шийдсэн байгаа юм. Бүх зардлаа тооцоод хэрэглэгчдэд 12 сая төгрөгийн өртгөөр худалдаалахаар төлөвлөөд байгаа. Материалаас гадна ажиллах хүчний зардал, ачих буулгах гээд нэлээд зардал гарсан. Компани маань дангаараа гүйцэтгэсэн. Иргэдэд олгохдоо эхлээд 50 хувийг нь төл гэсэн болзол тавьж байгаа. Үлдсэнийг нь бол хоёр, гурав хуваагаад төлөөд явах боломжтой.
Монголын мэдээ
Б.Даваа
Уг ёслолд Хүнс, худалдаа үйлчилгээний хэлтсийн дарга О.Нарантуяа, “КИГ” ХХК-ийн захирал Д.Мөнхбат, Баянгол болон Хан-Уул дүүргийн жижиглэнгийн худалдаа эрхлэгчдийн төлөөлөл оролцов. Нийслэлийн маань өнгө үзэмжид нийцсэн загварлаг эко ТҮЦ удахгүй А, Б зэрэглэлийн гудамж талбайд байрлаж эхлэхээр болжээ. Хамгийн гол нь худалдаа эрхлэгчид хийгээд худалдан авагчдын хэрэгцээ шаардлагад нийцсэн дотоод зохион байгуулалттайгаар үйлдвэрлэгдэнэ гэдгийг албаныхан энэ үеэр онцолж байсан юм.
Мөн ТҮЦ-ийн газрын асуудал тулгамдсан асуудлын нэг болоод байгаа гэдгийг компанийн удирдлагууд хэлж байв. Учир нь байршлыг автобусны буудлаас зайдуу байхаар зохицуулсан нийслэлийн журам байдаг учраас ТҮЦ-ийн үйлчилгээ эрхлэгчдэд орлогоос эхлээд асуудал үүсдэг хэмээн худалдаа эрхлэгчид онцоллоо. Нээлтийн ёслолд оролцсон албан тушаалтнуудын сэтгэгдлийг энэ үеэр сонслоо.
О.Нарантуяа: Эко ТҮЦ-ийн эзэд эргэн тойрноо хариуцна
/Хүнс, худалдаа, үйлчилгээний хэлтсийн дарга/
/Хүнс, худалдаа, үйлчилгээний хэлтсийн дарга/
-Нийслэлийн жижиглэн худалдаа эрхлэгчдээ дэмжих зорилгоор НИТХ-аас ТҮЦ-ийг шинэчлэх тогтоол гаргасан. Ямар загвар хийцтэй ТҮЦ байх вэ гэдгийг нь журамласан. Тэр журмын дагуу зураг төсөл нь батлагдсан.
Одоогоор хоёр загварын ТҮЦ байгаа юм. Энэ журмын дагуу “КИГ” компани санал тавьж, Захирагчийн ажлын албаны дэмжлэгтэйгээр Ерөнхий төлөвлөгөөний газраас зураг төслийг нь баталсан. Энэ журмын дагуу жижиглэн худалдаа эрхлэгчид маань үйл ажиллагаагаа явуулах учиртай юм. Өмнө нь жижиглэн худалдаа эрхлэгчийн ТҮЦ-ийн асуудал ихээхэн хүндрэлтэй байлаа. Юм л бол хөөгдөж, туугддаг. ТҮЦ-ийнхээ гадаад өнгө үзэмжийг сайжруулья гэхээр маргааш нь хөөгддөг. Засч сайжруулах боломжгүй байсан.
Харин Нийслэлийн Засаг дарга Э.Бат-Үүл бидэнд үүрэг өгөөд, түүнийх нь дагуу бид журамласан. Бидний гол зорилго бол эхний хоёр, гурван жилдээ хотын төвийн А, Б зэрэглэлдээ яг стандартын дагуу ТҮЦ-ийг хязгаартай тоогоор байрлуулахыг зорьж байна. Журамдаа 12-15 ам.метр талбайтай гаднаасаа ордог, дотор талдаа халаалтыг нь шийдсэн, био 00 тавигдсан, мөн дээр нь жижиглэн худалдаа эрхлэгчдийнхээ эрх, үүрэг зэргийг тодорхой тусгасан. Тухайлбал, гадна талын таван метрийн радиусынхаа тоос шороогоо худалдаа эрхлэгчид өөрсдөө цэвэрлэх юм.
Захын хорооллын иргэдийг заавал ийм загвартай ТҮЦ-тэй бол гэж шахахгүй. Өөрсдийнхөө боломжид тааруулаад засч сайжруулаад үйлчилгээгээ эрхлээд явах бололцоотой. Байрлуулах стандартыг мөн баталчихсан байгаа. Олгох нөхцөл болон байршлыг дүүргийн Худалдаа үйлчилгээний хэлтэс шийдэх юм.
Д.Мөнхбат: Эко ТҮЦ авах хүмүүс эхлээд 50 хувиа төлнө
/“КИГ” компанийн захирал/
/“КИГ” компанийн захирал/
-Хоёр жил гаруйн хугацаанд маргаантай байсны эцэст шийдвэрлэгдэж байгаа асуудал юм. Гэхдээ бүрэн шийдвэрлэгдээгүй. Аль болох чанартай хотын өнгө төрхийг алдагдуулахгүй олон улсын стандартад нийцсэн загвартай түргэн үйлчилгээний цэгийг захиалгын дагуу гүйцэтгэлээ.
Онцлогийнх нь талаар дурьдвал, гадна талдаа 25 ваттын найман гэрэлтүүлэгтэй, урд талын цонхны дээд хэсэгтээ хоёр сүүдрэвчтэй. Материалын хувьд үнэхээр сайн чанарын материалаар хийгдсэн. Мөн хамгийн гол онцлог нь цэвэр модон хийцтэй. Модон хийцтэй болохоор нэгдүгээрт, төмөр ТҮЦ-ийг бодвол эдэлгээ сайтай. Хоёрдугаарт, тордлого сайн авна.
Гуравдугаарт дулаахан, мөн агаар сэлгээ сайтай. Дотроо 00, угаалтуур гээд бүх зүйлийг нь шийдсэн байгаа юм. Бүх зардлаа тооцоод хэрэглэгчдэд 12 сая төгрөгийн өртгөөр худалдаалахаар төлөвлөөд байгаа. Материалаас гадна ажиллах хүчний зардал, ачих буулгах гээд нэлээд зардал гарсан. Компани маань дангаараа гүйцэтгэсэн. Иргэдэд олгохдоо эхлээд 50 хувийг нь төл гэсэн болзол тавьж байгаа. Үлдсэнийг нь бол хоёр, гурав хуваагаад төлөөд явах боломжтой.
Монголын мэдээ
Б.Даваа