Үндсэн хуулийн өөрчлөлтийг иргэдээс асуух тогтоолыг баталлаа

Чуулган энэ долоо хоногт хуралдаад завсарлах товтой байна.  Энэ хугацаанд гишүүд тойрогтоо ажиллаж,  Үндсэн хуулийн нэмэлт өөрчлөлтийн талаар уулзалт танилцуулга хийх тухай ярьж буй.  Тэгвэл өчигдрийн чуулганы хуралдаанаар Ерөнхийлөгчөөс өргөн мэдүүлсэн Хүнсний хангамж, аюулгүй байдлыг хангах талаар тогтоолын төсөл,  Зөвшөөрлийн тухай хуулийн шинэчилсэн найруулга, Донорын тухай хуульд нэмэлт, өөрчлөлт оруулах тухай тогтоолын төслийг хэлэлцлээ.  Мөн хуралдааны төгсгөлд Үндсэн хуульд нэмэлт, өөрчлөлт оруулах эсэх асуудлаар ард иргэдийн оролцоо, ил тод байдлыг хангах ажлыг зохион байгуулах тухай тогтоолын төслийг хэлэлцсэн юм. Төслийн талаар Хууль зүйн байнгын хорооны дарга С.Бямбацогт танилцуулав.  Мөн тогтоолын төсөлтэй холбоотойгоор гишүүд байр сууриа илэрхийлсэн.

Хууль зүйн байнгын хорооны дарга С.Бямбацогт:

-Иргэдийн оролцоотойгоор Үндсэн хуульд нэмэлт өөрчлөлт оруулах тогтоолын төсөл оруулж ирнэ гэж ажлын хэсэг байгуулсан. 2019 онд Үндсэн хуульд оруулсан өөрчлөлтөөс зарим нь дутуу орхигдсон. Тухайлбал, сонгуулийн тогтолцоотой холбоотой асуудал орхигдсон. Эрдэмтэд судлаачид өөрчлөх шаардлагатай гэж байнга ярьдаг. Төр үүрэгтэй, ард түмэн эрхтэй гэсэн ойлголтыг бэхжүүлнэ. Парламентын тогтолцоог бэхжүүлье гэж УИХ-д суудалтай улс төрийн намууд байнга ярьж байгаа юм. Энэ байдлаар жагсаал цуглаан зохион байгуулах, улс төрийн намуудын удирдлагууд хурал цуглаан хийж асуудлыг хөндөж байгаа юм. Үндсэн хуулийн нэмэлт өөрчлөлттэй холбоотой асуудлаар энэ сарын 18-наас 26-ны хооронд ард иргэдийн санал бодлыг сонсоно.

Төрийн байгуулалтын байнгын хорооны дарга Ж.Мөнхбат:

-Иргэдийнхээ санаа бодлыг сонсч, тандан судалгаа явуулъя гэж байгаа юм. Энэ сэдвээр улс төрийн намууд, иргэд шаардлага тавиад байгаа учраас энэ асуудлыг яах вэ гэж ард иргэдээсээ санал бодлыг нь сонсч. Ард нийтийн санал асуулга бол биш. Улс төрийн нам байгуулахад нэг хувийн босго гэж байх юм уу гэж асуусан. Одоо хасна хасахгүй, нэмнэ нэмэхгүй гэсэн асуудал байхгүй. Иргэд, сонгогчид дэмжиж байна уу гэж санаа бодлыг нь сонсох юм.

УИХ-ын гишүүн Ц.Туваан:

-Энэ сарын 18-наас 26-нд гээд санал асуулга явах юм байна.  Энэ хугацаанд УИХ амрах юм уу, яах юм бэ. Зүгээр л ард иргэдийнхээ санал бодлыг сонсоно гэж жижиг асуудал оруулж ирж байгаа юм шиг асуудалд хандмааргүй байна. Цаана нь гишүүдийн тоог нэмэх зэрэг асуудлууд байгаа шүү дээ. Санал хураалтад иргэдээ бид юу гэж уриалж оролцуулах юм бэ.

Хууль зүйн байнгын хорооны дарга С.Бямбацогт:

-УИХ дээр өнгөрсөн долоо хоногт яригдаад, ажлын хэсэг байгуулаад, ард түмэндээ сонсоно, тэдний санал бодлыг сонсъё гэж асуудал бэлтгээд оруулаад ажлын хэсэг ахлаад ажилла гэсэн. Ард түмнийг төлөөлөх парламентын чадавхийг нэмэгдүүлье, 21 аймгаа хот болгох уу, сумын засаг даргыг Сумын иргэдийн хурлаас сонгож байгаа нь буруу юм байна гэх зэрэг асуудлаар иргэдээс саналыг нь сонсъё гэсэн. Дэмжиж байвал цаашид хэлэлцүүлэг хийгдэх байх. Төрийн байгуулалтын байнгын хороон дээр яригдсан, одоо УИХ-д орж ирж байна.

Ийнхүү дээрх тогтоолын төслийн дагуу санал хурааж гишүүдийн 74 хувь нь дэмжиж санал батлагдлаа. Тогтоолыг батлагдсан цагаас дагаж  мөрдөхөөр тусгажээ.  Ингэснээр гишүүд энэ сарын 18-26-ны хооронд тойрогтоо Үндсэн хуулийн өөрчлөлт оруулах талаар ард иргэдийн саналыг авахаар болж байна.

 “Зууны мэдээ” сонин
Т.Сайхан

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Зочин 2022-06-17 03:37:02
    Зөвшөөрөхгүй
  • M 2022-06-17 03:31:10
    5р ангийн хүүхдээс доор ухаантай их хурлын гишүүд байж үндсэн хуулиар оролдож бас зүрхэндээ. Мөнгө өгнө гэсэн болхоор юуг ч засаад бэлэн ухаанд нь ухна үхсэн ги...
  • Иргэн 2022-06-17 01:08:58
    Үндсэн хуульд нэмэлт өөрчлөлт оруулахыг завшөөрөхшүй ...Доржханд гэж дураараа хүн бн аа