Хөвсгөл нуурын байгалийн цогцолборт газарт 37.9 км хатуу хучилттай автозамын барилгын ажил явагдаж байна

Азийн хөгжлийн банкны санхүүжилтээр хэрэгжиж буй “Тогтвортой аялал жуулчлалыг хөгжүүлэх” төслийн хүрээнд Хөвсгөл нуурын байгалийн цогцолборт газарт баригдах Хатгал-Жанхай-Тойлогт чиглэлийн 32.4 км, Хатгал-Хүзүүвчийн шил-Ашихай чиглэлийн 5.5 км, нийт 37.9 км хатуу хучилттай авто зам барих ажлыг энэ оны 4 дүгээр сараас эхлүүлсэн.

Азийн хөгжлийн банкны худалдан авах ажиллагааны олон улсын журмын дагуу нээлттэй сонгон шалгаруулалтын дүнд шалгарсан компани нийт 37.9 км автозам болон Хатгал тосгонд - 7, Ханх суманд -1, нийт 8 байршилд 49 автобус, 645 автомашин зогсох хүчин чадал бүхий авто зогсоолын ажлуудыг 2024 он хүртэл хийж хэрэгжүүлэхээр шат дараатай ажлууд төлөвлөгдөн хийгдэж байна.

Жуулчны улирал эхэлсэнтэй холбогдуулан Хөвсгөл нуурыг зорих дотоод, гадаадын жуулчдын урсгал нэмэгдэх тул жуулчдын хөдөлгөөнийг хязгаарлахгүй байх зорилгоор автозам барих ажлын нарийвчилсан график төлөвлөгөөний дагуу түр замыг ашиглалтад оруулах байдлаар замын хөдөлгөөний зорчих хэсгээр автомашин, тээврийн хэрэгслийг саадгүй нэвтрүүлэх зохион байгуулалтын арга хэмжээг авч ажиллаж байна.

Энэ оны хувьд Хатгал-Хүзүүвчийн шил-Ашихай чиглэлийн 5.5 км болон Хатгал-Жанхай-Тойлогт чиглэлд шинээр тавих 2 км, нийт 7.5 км автозамыг ашиглалтад оруулах ба 2023 онд автозамыг бүрэн ашиглалтад оруулж зорчих хэсгийг нээх төлөвлөгөөтэй байна.

Тус автозамын барилгын ажилд хээрийн лаборатори -1, геодезийн баг -3, инженер техникийн ажилтан-20, нийт 80 орчим хүний бүрэлдэхүүнтэй, 50 гаруй машин механизм бүхий техникийн хүчин чадлаар төлөвлөгөөт хуваарийн дагуу ажиллаж байгаа бөгөөд нийт ажлын явц 5 дугаар сарын 28-ны өдрийн байдлаар 10%-ийн гүйцэтгэлтэй байна.

Оллоо.мн

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.