Хууль зүйн үнэгүй зөвлөгөө өгөх өдөрлөг Сүхбаатарын талбайд болно

Хууль зүйн үнэ төлбөргүй зөвлөгөө өгөх “Хуульчийн Про Боно өдөр-2022” өдөрлөг тавдугаар сарын 1-ний 11:00-17:00 цагийн хооронд Д.Сүхбаатарын талбайд болно. Тус өдөрлөгийг НЗДТГ Монголын Хуульчдын холбоотой хамтран иргэдийн эрх, хууль ёсны ашиг сонирхлыг хамгаалах зорилгоор “Нийслэлийн иргэдийн хууль, эрх зүйн боловсролыг дээшлүүлэх дэд хөтөлбөр”-ийн хүрээнд зохион байгуулж буй юм.

Өдөрлөгт НЗДТГ, Шүүхийн ерөнхий зөвлөл, Улсын ерөнхий прокурорын газар, Шүүхийн шийдвэр гүйцэтгэх газар, Хүний эрхийн үндэсний комисс, Монголын Хуульчдын холбооны бүтцийн байгууллага, гишүүн хуульчид зэрэг төрийн захиргааны болон хуулийн байгууллагууд оролцож, үйл ажиллагаагаа танилцуулан, иргэдэд үнэ төлбөргүй зөвлөгөө, мэдээлэл өгч, үйлчилгээ үзүүлнэ. Тухайлбал, Нийслэлийн Хөдөлмөр эрхлэлтийн газраас шинэ ажлын байрны мэдээлэл өгч, ажилд зуучилж, Нотариатчдын танхимаас зарим төрлийн нотариатын үйлчилгээг үнэ төлбөргүй үзүүлэх юм. Мөн НЗДТГ-аас иргэдийн өргөдөл, гомдлыг хүлээж авах бол Архивын ерөнхий газраас 1929-1956 оны хүн амын тооллогын лавлагааг үнэ төлбөргүй олгоно. Түүнчлэн Шүүхийн ерөнхий зөвлөлөөс нийслэлд үйл ажиллагаа явуулж буй эрүү, иргэн, захиргааны хэргийн анхан, давж заалдах шатны шүүхийн үйл ажиллагааг танилцуулж, Шүүхийн төрөлжсөн архивын үйлчилгээг үнэ төлбөргүй үзүүлэх юм.

Иргэд мөн энэ өдөр 75050801, 75050802, 75050803, 75050804 дугаарын утсаар хууль, эрх зүйн анхан шатны зөвлөгөөг үнэ төлбөргүй авах боломжтой.

НИЙСЛЭЛИЙН СУРГАЛТ, СУДАЛГАА, ОЛОН НИЙТТЭЙ ХАРИЛЦАХ ГАЗАР

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.