А.Адъяасүрэн Португалын Гран пригээс Монголын багийн гурав дахь медалийг авлаа

Португалийн Альмэйда хотноо 2022 оны анхны дэлхийн цуврал Гран При ангилалаар зохион байгуулагдаж дүнгээ гаргалаа. Португалд анх удаагаа зохион байгуулагдсан энэхүү тэмцээнд 41 орны эрэгтэй 179, эмэгтэй, 122 нийт 301 жүдоч хуран чуулсан бөгөөд 25 улс медаль хүртсэн байна.

Үүнээс манай тамичид гурван хүрэл медальтайгаар медалийн чанараараа 18 дугаар байрт эрэмблэгдсэн байна. Манай тамирчдаас эхний өдөр -60 кг-д Эрдэнэт үйлдвэр ТӨҮГ-ын “Хангарьд” спорт хорооны тамирчин 2021 оны насанд хүрэгчдийн УАШТ-ий мөнгөн медальт Бямбажавын Цогт-Очир хүрэл медаль хүртсэн. Улмаар тэмцээний хоёр дахь өдөр -73 кг-ын жинд Дархан Уул аймаг, “Женко” клубийн тамирчин тамирчин Өмнөговь-2021 насанд хүрэгчдийн улсын аварга шалгаруулах тэмцээний мөнгөн медальт, залуучуудын улсын аварга Лавжаргалын Анхзаяа хүрэл медаль хүртээд байлаа. Энэ медалийн буухиаг тэмцээний сүүлийн өдөр Үндэсний шигшээ баг, “Алдар” спорт хорооны тамирчин Амарсайханы Адъяасүрэн үргэлжлүүлж +78 кг-ын жинд хүрэл медаль хүртлээ. Түүний жинд нийт 6 жүдоч хүч үзсэн бөгөөд манай тамирчин сугалаагаар шууд хагас шигшээ рүү орж, Европын нээлттэй тэмцээний и бүрэн медальтай Францын Стесси Бастареуд цэвэр ялагджээ. Гэвч хүрэл медалийн төлөө манай жүдоч Их Британий 35 настай олон улсын тэмцээний 25 медальтай Сара Адлингтоныг ялж, Гран При ангилалаас анхны медалиа гардлаа. Түүнтэй хамт энэ өдөр зодоглосон бусад залуусаас -100 кг-ын жинд ОУХМ Одбаатарын Хангал -90 кг-ын дэлхийн хошой аварга Николаз Шеразадашвилиг эхний даваандаа ялсан бол хоёрдугаар тойрогтоо мөн дэлхийн хошой аварга Португалын хамгийн алдартай жүдоч Хорхе Фонсекад ялагдсан байна. Манай жүдочдын дараагийн тэмцээн 2022 оны 2 сарын 5-нд Парисын Их дуулга байх юм. Парист 58 орны 344 жүдоч өрсөлдөхөөр урьдчилсан мэдүүлгээ өгөөд байна.

Оллоо.мн

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • zarimdaa bi beer ochij yzdeg yum!!! 2022-01-31 13:03:17
    Gyrban hyrel abaad bayarlaad baih yum ygyi syy!!!alt abch baij l hynii setgel ongoidog yum!!!Paris bol ch tiim amar dabaa bis dee!!zarimdaa bi beer ochij yzdeg ...
    • Мөнхжаргал 2022-01-31 13:17:43
      Тийм байж болно. Гэхдээ + 78 - д бараг манай анхны медаль байх шүү