Өнгөрөгч 10 дугаар сарын 01-нээс шүүгчдийн цалин нэмэгдсэн. Тодруулбал анхан шатны шүүхийн шүүгч 2.7 сая, давж заалдах шатны шүүхийн шүүгч 2.9 сая, Улсын дээд шүүхийн шүүгч 3.2 сая, Улсын дээд шүүхийн Ерөнхий шүүгч 3.3 сая төгрөгийн цалин авч эхэлсэн байна. Гэвч УИХ-аас шүүгчдийн цалинг нэмэх тухай ямар ч шийдвэр тогтоол гараагүй гэдгийг УИХ-ын дарга З.Энхболд онцолж, шүүгчдийн цалинг нэмсэн явдал нь хууль бус юм гэдгийг хэллээ. Өөрөөр хэлбэл УИХ-аас тогтоосон шүүгчдийн цалин хүчин төгөлдөр байгаа энэ үед дур мэдэн шүүгчдийн цалинг нэмсэн асуудалд Шүүхийн ерөнхий зөвлөлийн дарга Н.Лүндэндоржийг буруутгалаа.
Уг асуудлыг шийдвэрлэхээр УИХ-аас Р.Бурмаа тэргүүтэй ажлын хэсэг гарсан боловч өнөөдрийг хүртэл тодорхой шийдэлд хүрээгүй байгаа аж. Гэвч нэгэнт цалин тавигдаад эхэлсэн учраас энэ хариуцлагыг хэн хүлээх вэ гэдэг асуудал гарч ирж байна. Харин энэ асуултанд хариулт өгөх хүн өнөөдрийн байдлаар Төрийн ордонд байсангүй.
Ами
Olloo.mn