Монгол оюутнууд Макаогийн шилдэг 6 их, дээд сургуульд тэтгэлгээр суралцах боломж нээгдлээ

Макаогийн Засгийн газар 2017 оноос “Бүс ба Зам” тэтгэлэгт хөтөлбөрийг хэрэгжүүлж байна.

Монгол улсаас Хонконгт суугаа Ерөнхий консулын газраас хүсэлт тавьсны дагуу уг тэтгэлэгт хөтөлбөрт 2022 оны хичээлийн жилээс эхлэн монгол оюутнуудыг хамруулахаар шийдвэрлэснээ Макаогийн тал албан ёсоор илэрхийллээ.

Өнөөдрийн байдлаар 9 орны оюутнууд энэхүү тэтгэлэгт хамрагдаж Макаогийн Их дээд сургуулиудад суралцаж байна. Тэтгэлгийг Макаогийн шилдэг 6 их дээд сургуульд бакалаврын түвшинд суралцах оюутнуудад олгодог бөгөөд нэг хичээлийн жилд 100.000 макао патака (ойролцоогоор 35 сая төгрөг)-ийн тэтгэлгийг дөрвөн жилийн турш олгох юм.

- Макаогийн Их сургууль (The University of Macau),

- Макаогийн Шинжлэх ухаан, технологийн их сургууль (Macao University of Science and Technology),

- Макаогийн Сити их сургууль (City University of Macau),

- Гэгээн Жозефийн их сургууль (University of St. Joseph),

- Макаогийн Политехникийн институт (Macao Polytechnic Institute)

- Макаогийн Аялал жуулчлал судлалын их сургууль (Macao Institute of Tourism Studies)

гэсэн 6 их сургуульд монгол оюутнууд тэтгэлэгт хамрагдах хүсэлтээ илгээх боломж нээгдэж байна.

Оллоо.мн

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Энхбат 2021-08-27 13:59:21
    Энэ Макаогийн Казиногийн дээд сургуульд сурвал тэтгэлэг өгөх болов уу. Тэнд л сурмаар байна.