Өнөөдөр хуралдсан Засгийн газрын ээлжит хуралдаанаар улсын хэмжээнд тогтоосон Гамшгаас хамгаалах өндөржүүлсэн бэлэн байдлын зэргийн “Улбар шар” түвшинд шилжсэн хугацааг энэ оны 12 дугаар сарын 31-нийг дуустал сунгалаа.
Одоо хэрэгжиж буй “Улбар шар” түвшин энэ сарын 31-нд дуусах байсан боловч Монгол Улсад коронавирусний “Дельта” хувилбар тархсан, дэлхий нийтэд “Бета”, “Дельта”, “Гамма” хувилбарын тархалт өндөр байгаа тул эрсдлээс сэргийлэх үүднээс хугацааг сунгасан байна. Үүнтэй холбогдуулан "Чингис хаан" боомтоос бусад боомтоор улсын хил нэвтрэх хөдөлгөөнийг хориглох хугацааг мөн он дуустал сунгажээ.
Гамшгаас хамгаалах өндөржүүлсэн бэлэн байдлын зэргийн “Улбар шар” түвшинд хатуу хөл хорио тогтоодоггүй бөгөөд одоо хэрэгжиж байгаа дэглэм хэвийн үргэлжлэх юм.
Оллоо.мн