Токио 2020: Тамирчдын комиссын гишүүдийг шинээр сонгов

 

“Токио-2020” олимпийн наадмын оролцогчид болох сагсан бөмбөгч Пау Газоль (Испани), уулын дугуйчин Мая Влошовская (Польш), усанд сэлэгч Федерика Пеллегрини (Итали), туялзуур сэлэмчин Юки Ота (Япон) нар ОУОХ-ны Тамирчны комиссын гишүүнээр сонгогдлоо. Шинээр сонгогдсон гишүүд “Лос Анжелелс-2028” олимпийг дуустал олимпизмийн хөдөлгөөнд тамирчдын дуу хоолойг илэрхийлэх юм. Тэднийг долдугаар сарын 13-наас наймдугаар сарын 3-ны хооронд олимпод оролцогч 6825 тамирчны саналаар сонгосон байна. Санал өгөх ёстой тамирчдын 61.27 хувь нь сонгуульд оролцсон нь Тамирчны комиссын санал хураалтын түүхэн дээд амжилт болжээ.

Олимпийн үеэр тамирчид нийт 11 байранд санал өгөх боломжтой байжээ. 30 улсыг төлөөлсөн 30 тамирчин тус комиссын гишүүн болохоор нэрээ дэвшүүлсэн бөгөөд дээрх дөрвөн эрхэм хамгийн өндөр санал авсан байна.

ОУОХ-ны Тамирчдын комиссын дарга Кирсти Ковентри “Сонгуульд саналаа өгөх тамирчдын ирц өндөр байсан нь үнэхээр гайхалтай. Бидэнд гайхалтай нэр дэвшигчид байлаа. Дэлхийн өнцөг булан бүрээс ирсэн тамирчдыг төлөөлж нэрээ дэвшүүлсэн тамирчин бүрт баярлалаа. Тамирчдын комиссын гишүүд тамирчдаа бүхий л үе шатанд төлөөлж, тэднийг дэмжихэд маш чухал үүрэг гүйцэтгэдэг. Гишүүнээр сонгогдсон дөрвөн тамирчин маань дэлхийн өнцөг булан бүрээс ирсэн тамирчдыг төлөөлөх учраас тэдний үзэл бодлыг илүү сайн ойлгож, чадах чинээгээрээ дэмжихийн тулд ихийг хийнэ гэдэгт итгэлтэй байна” хэмээн ярьжээ.

Манай тамирчдаас Х.Эрдэнэт-Од 2008 онд Тамирчдын комиссын гишүүний сонгуульд нэрээ дэвшүүлэн өрсөлдөж байв.


Оллоо.мн

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.