“Оюутолгой”-н асуудлаар ажлын хэсэг дахин хуралдахаар болов
УИХ- гишүүн С.Ганбаатар өнөөдөр  Улсын Их Хурлын Төсвийн байнгын хорооны 2013 оны 5 дугаар тогтоолоор байгуулагдсан “Оюутолгой” ХХК-ийн улсын төсвийн өмнө хүлээсэн үүргээ хэрхэн биелүүлж байгаа байдал, Монгол Улсын Засгийн газартай байгуулсан хөрөнгө оруулалтын гэрээ болон түүний хэрэгжилтийн байдалтай танилцаж дүгнэлт гаргах Ажлын хэсгийн гишүүдтэй уулзав. Тэрбээр уг Ажлын хэсгийг ахлан ажиллаж байгаа юм. Ууулзалтад Монгол Улсын Шадар сайд, Уул уурхайн сайд, Сангийн сайд нарын 2013 оны 3 дугаар сарын 25-ны өдрийн хамтарсан тушаалаар байгуулагдсан “Оюутолгой” ХХК-ийн анхны хөрөнгө оруулалтын зардлын хэтрэлтийг баримтад үндэслэн шалгах шуурхай Ажлын хэсгийн гишүүд байлцсан байна.
Энэхүү ажлын хэсэгт Сангийн яам, Уул уурхайн яам, Гаалийн Ерөнхий газар, Татварын Ерөнхий газрын Маргаан таслах комисс, Мэргэжлийн Хяналтын Ерөнхий газар, Үндэсний Аудитын газар, “Эрдэнэс Оюутолгой” ХХК-ийн төлөөлөгчид багтжээ.

Улсын Их Хурлын гишүүн С.Ганбаатар уулзалтын үеэр Монгол Улсын Засгийн газраас томилсон ажлын хэсгээс “Оюутолгой” ХХК-д хийсэн хяналт шалгалтын ажлын үр дүнгийн талаарх танилцуулга болон “Оюутолгой” ХХК-тай холбогдуулан гаргасан татварын хяналт, шалгалтын байцаагч нарын акт, хувь нийлүүлэгчдийн зээл, балансын тайлангийн явцын талаар асууж тодруулахад, Сангийн яамны газрын дарга Б.Батцэцэг, Татварын Ерөнхий газрын дэд дарга А.Энхболд, Татварын Ерөнхий газрын Татварын удирдлага, хамтын ажиллагааны газрын дарга Б.Бадрал нар болон татварын улсын байцаагчид асуултад хариулт өглөө.

Улсын Их Хурлын гишүүн, Засгийн газрын гишүүн, Уул уурхайн сайд Д.Ганхуягт “Оюутолгой” төслийн анхны хөрөнгө оруулалтын талаарх мэдээлэл авах хүсэлт гаргасан ч одоогоор нууцын зэрэглэлтэй байгаа хэмээн мэдэгдсэн талаар Улсын Их Хурлын гишүүн С.Ганбаатар Ажлын хэсгийн гишүүдэд дуулгаад энэ асуудлаар долоо хоногийн дараа дахин уулзаж ярилцахаар болжээ.

Г.Уянга
оллоо.мн
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.