Самранд яваад сураггүй болсон иргэдийг эрэн хайхад нисдэг тэрэг нисгэнэ

Сэлэнгэ аймгийн Мандал сум дахь сум дундын Цагдаагийн хэлтэст 2021 оны долдугаар сарын 17-ны өдрийн 17:00 цагт иргэн А “Миний дүү Д, түүний найз У нар тус аймгийн Ерөө сум руу самранд яваад сураггүй болчихлоо” гэж хандсан байна. Тус мэдээллийн дагуу орон нутгийн цагдаагийн байгууллага холбогдох арга хэмжээг авч, 07 дугаар сарын 19-ний өдөр Сэлэнгэ аймгийн Онцгой байдлын газарт эрэн хайх ажиллагааг хамтран явуулах албан бичиг ирүүлснээр хамтарсан бүлэг самранд яваад сураггүй болсон дөрвөн иргэнийг эрэн хайх ажиллагааг зохион байгуулж байна.

Улмаар өнөөдөр буюу 07 дугаар сарын 21-ний өдөр Цагдаагийн ерөнхий газраас Ерөө сумын хэмжээнд ЗИЛ-131 автомашин болон мориор эрлийн ажиллагааг 300 км газарт зохион байгуулсан боловч бороо хур их орсноос хүндрэл учирч, эрлийг үргэлжлүүлэн явуулах боломжгүй байгаа тул эрлийн баг /агаарын/ гаргаж, хамтран ажиллахыг хүссэн албан бичгийг Онцгой байдлын ерөнхий газарт ирүүлсэн.

Уг албан бичгийн дагуу Онцгой байдлын ерөнхий газраас Зэвсэгт хүчний жанжин штабт хүсэлт хүргүүлснээр Зэвсэгт хүчний 303-р ангийн нисдэг тэргийг хөөргөхөөр болж, эрлийн нэмэлт бүлгийг томилж бэлтгэл ажлыг хангаж байна.

Үндэсний аврах бригадын эрэн хайх бүлгийг тус бригадын захирагч, хурандаа Д.Намсрай ахалж явна.

Оллоо.мн

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Иргэн 2021-07-22 06:18:13
    Самар болоогүй бгаа биз дээ. Эрж олоод хариуцлага хүлээлгэ. Бусдад сургамж болго