Гачууртын уулзвараас Налайх-Чойрын уулзвар хүртэлх автозамын гүйцэтгэл 90 хувьтай байна

Нийслэлийн алслагдсан дүүргүүд, Горхи-Тэрэлжийн аялал жуулчлалын бүсийг Улаанбаатар хоттой холбох, замын хөдөлгөөний нэвтрүүлэх чадвар, аюулгүй байдлыг сайжруулах, авто замын түгжрэл, агаарын бохирдлыг бууруулах, зорчигч тээврийн аюулгүй, тав тухтай зорчих нөхцөлийг сайжруулах зорилгоор тус авто замын ажлыг  БНХАУ-ын Засгийн газрын хөнгөлөлттэй зээлийн хөрөнгөөр хэрэгжүүлж байна.

Төслийн гүйцэтгэгчээр Хятадын “Синохайдро корпорейшн лимитед” ХХК ажиллаж, хяналтын зөвлөх үйлчилгээг “Мөнхөд ашдын зам” ХХК үзүүлж байгаа бөгөөд 2019 онд 4 эгнээ, 20.9 км гол авто замын ажлыг гүйцэтгэн 11-р сард замын хөдөлгөөнийг авто замын суурь хучилттайгаар нээсэн.

2021 оны барилгын ажлын хүрээнд туузан хашлага угсрах, гүүр хоолойн чулуун бэхэлгээний ажлуудыг 3 дугаар сарын 20-ны өдрөөс эхлүүлсэн. Авто замын өнгө хучилтын ажлыг 5 дугаар сарын 13-ны өдрөөс эхлүүлж одоогийн байдлаар Гачууртын уулзвараас Налайх-Чойрын уулзвар хүртэлх  20,9 км авто  замын өнгө хучилтын ажил 100%, үндсэн замаас салах болон нийлэх туслах авто замуудын  өнгө хучилтыг хийж байна. Далан хөвөө засах ажил 40%, ус зайлуулах 38 хоолойн чулуун бэхэлгээний ажил 70%, гэрэлтүүлгийн ажил 97%, туузан хаалт суурилуулах ажил 45%, гэрлийн гялбаа сарниулагч суурилуулах ажил 100%-ийн гүйцэтгэлтэй, нийт барилгын ажлын явц 90%-ийн гүйцэтгэлтэй  үргэлжилж байна.


Гүйцэтгэгч нь 2020 онд 37, 2021 онд 10, нийт 47 гадаадын инженер техникийн ажилчид, мэргэжилтнүүдтэйгээр шаардлагатай ажлуудад дотоодын туслан гүйцэтгэгч компани, ажиллах хүч авч ажиллуулж байна.    

2021 онд авто замын өнгө хучилт, туузан хашлага, гэрлийн гялбаанаас сарниулагч суурилуулах, ус зайлуулах хоолойн бэхэлгээ, явган зам, дугуйн зам, гэрлэн дохио суурилуулах ажлуудыг гүйцэтгэж, төслийн ажлыг бүрэн дуусгахаар ажиллаж байна.

Нийслэлийн авто замын хөгжлийн газар

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Баагий 2021-07-06 04:42:05
    Энэ багахан замыг дуусгахгүй байгааг УБ хотын захирагчийн албанаас асуумаар байна. Элдэв шалтаг тоочихоо болиоч дээ!!! Хийж бүтээх хүнд шалтаг бхгүй, авилга аши...
    • Баагий 2021-07-06 04:45:19
      Аьиога харсан хүнд шалтаг төвөгшөөл тогоо дүүрэн байдгийг Сумъяабазар та олж харахгүй л байна уу? Уг та энэ бүгдээс салгах гж дарга болоогүй юм уу??