Монгол Улсын Ерөнхийлөгч Х.Баттулга Олон улсын хүүхдийн эрхийг хамгаалах өдрийн мэндчилгээ дэвшүүллээ

Монгол Улсын Ерөнхийлөгч Халтмаагийн Баттулга өнөөдөр тохиож буй Олон улсын хүүхдийн эрхийг хамгаалах өдрийг тохиолдуулан мэндчилгээ дэвшүүллээ.

МОНГОЛ УЛСЫН ЕРӨНХИЙЛӨГЧИЙН МЭНДЧИЛГЭЭНД:

“Монголын бүх хүүхэд, багачуудад Олон улсын хүүхдийн эрхийг хамгаалах өдрийн мэндийг хүргэе!

Бидний ирээдүй болох 1.2 сая хүүхэд ихийг сурах, эзэмших, эх орондоо тусыг бүтээх эрмэлзлээр жигүүрлэн өсөж бойжиж байна. Монгол Улсыг дэлхийн дайдад байр сууриа тамгалсан орчин үеийн хүчирхэг улс болгон хөгжүүлэх зам, гэрэлт ирээдүйг шинэ үеийн хүүхэд, залуучууд Та нар дархална. Том мөрөөдөл тээж, томоор сэтгэж сураарай, дүү нар минь.

Хүсэл мөрөөдлөө бодит болгох хамгийн дөт, шулуун зам бол боловсрол гэдгийг үргэлж санаж, мэдлэг чадвараа байнга төгөлдөржүүлэх, нээлттэй сэтгэж, бусдад бодол санааг ойлгуулах, бусдыг ойлгох харилцааны чадварт шамдан суралцахыг хүүхдүүд Та нартаа аминчлан захья.

Хүүхэд, багачуудын сурах, боловсрох хүслийг дэмжин тэтгэх, эрхийг хамгаалах, эрүүл, аюулгүй нийгэмд өсөн торних нөхцөлийг нь бүрдүүлэх, хүүхдэд ээлтэй нийгмийн бодлого боловсруулан хэрэгжүүлэх нь Монгол төрийн хэнтэй ч хуваалцашгүй үүрэг юм. Боловсрол, хүүхэд хамгааллын асуудал хариуцсан төрийн бүх шатны ажилтнууд өдөр бүрийг Хүүхдийн эрхийг хамгаалах өдөр хэмээн санаж ажиллах учиртай. Хүүхдийн эрхийг хамгаална, тэднийг дэмжинэ гэдэг Монголын ирээдүйг хамгаалж байгаа юм.

Монгол Улсын гэрэлт ирээдүйг төрүүлж, өсгөж буй аав ээж, гэр бүлийнхэнд нь Хүүхдийн баярын мэндийг дахин дэвшүүлж, сайн сайхныг хүсэн ерөөе.

Мөнх тэнгэрийн хүчин дор Монгол Улсын ирээдүй тунгалаг, гэрэл гэгээтэй байх болтугай” гэжээ.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  •  2021-06-01 13:07:42
    ярьдаг шигээ хий. спиртээр хордуулж олон хүүхдийн ирээдүйг балласан хүн л дээ. тэгж ярих юм бол ч.....