Зам засвар, арчлалтын ажил үргэлжилж байна

“Улаанбаатар зам засвар, арчлалтын газар” ОНӨААТҮГ нь гамшгаас хамгаалах бүх нийтийн бэлэн байдалд шилжсэн хугацаанд зам засвар, арчлалт, үйлчилгээний ажлуудыг хийж байна. Тухайлбал, дөрөвдүгээр сарын 12-19-ний хооронд Энхтайваны өргөн чөлөө, Зүүн дөрвөн замаас Төв шуудангийн уулзвар хүртэлх хоёр талдаа, Чингисийн өргөн чөлөө, Төв шуудангийн уулзвараас Энхтайваны гүүр, Сүхбаатар, Их сургууль, Их тойруугийн гудамж зэрэг найман гудамжны авто замд үүссэн нийт 85.563 метр урт ан цав, заадсыг битумаар засварлалаа.

Мөн таван бригад нийслэлийн зургаан дүүрэгт авто замын хайс, хашлага засварлах, будах, замын тэмдэг угааж, цэвэрлэх, засварлах зэрэг ажлуудыг гүйцэтгэж байна. Тодруулбал, Баянгол, Сүхбаатар, Сонгинохайрхан, Хан-Уул дүүрэгт нийт 1077 метр урт хайс, хашлагыг тэгшилж засаж, 78 метр уртыг нөхөн байршуулж, мөн 160 метр урт хайс, хашлагыг угааж, цэвэрлэн, буджээ.

Түүнчлэн Энхтайваны өргөн чөлөө, Чингисийн өргөн чөлөө, Их сургууль, Сүхбаатарын гудамжинд нийт 1633 тэмдэг угаасан бол 302 тэмдгийг Хан-Уул дүүрэгт шинээр суурилууллаа. Гүүр, хоолой, туннелийн засвар, арчлалтын ажлын хүрээнд Гачууртын 30 метр урт болон 18 метр урт гүүрний засварын ажлыг тавдугаар сарын 1-нд дуусгах төлөвлөгөөтэйгөөр ажиллаж байна.
 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • dorj 2021-04-20 11:56:27
    удахгүй бороо орохоор баас шээс ковид гуравт живнэ дэ
  • иргэн. 2021-04-20 11:25:14
    борооны ус зайлуулагч хийхгүй бол наад засварууд чинь ямарч үр дүнгүй ажил болно доо.