Монгол Улсын Ерөнхийлөгч, УИХ-ын дарга, Ерөнхий сайдаар ажиллаж байсан цор ганц улстөрч, МАХН-ын дарга Н.Энхбаяр өнгөрсөн пүрэв гарагийн 22:30 цагт олон улсын “Чингис хаан” нисэх буудалд эхнэр О.Цолмонгийн хамт бууж, хүлээн тоссон сэтгүүлчид, намын журмын нөхдөдөө сэтгэл зүрхэндээ агуулж явсан үгээ анх түрүүн дуулгасан юм.
Нэгэн цагт Энэтхэг улсад эхнэрийн хамт зочлоход тухайн цагийн Энэтхэгийн хэвлэлээр “Төв Азийн хамгийн царайлаг хатагтай” хэмээн Н.Энхбаярын эхнэр О.Цолмонгийн тухай бичиж байв.
Харин долоон жилийн дараа “Чингис хаан” олон улсын нисэх буудалд буусан хоёрын царай тааруухан байв.
Н.Энхбаяр хорихоос суллагдсаныхаа дараа БНСУ-ыг зориод бараг жил гаруйн хугацаанд эмчилгээ хийлгэж байгаад ийнхүү эх орондоо ирж байгаа юм. Эмчилгээнд явахдаа түүний бие ихэд ядарч, турж эцэн “жингийн алдагдал, эсийн задрал” гэсэн оноштой байсан.
Биднийг нисэх буудалд очиход түүний хүү Э.Батшугар болон намын нөхөд, ойр дотныхон нь түүнийг угтаж авахаар нисэх онгоцны буудлын VIP танхимын үүдээр дүүрсэн байлаа. Удалгүй Н.Энхбаяр эхнэрийн хамт гарч ирж, хэвлэл мэдээллийнхэн ч бүчин авч дор бүрнээ асуулт тавьцгаасан.
-Та сайн явж ирэв үү. Монгол нутгаа санав уу?
-Сайн явж ирлээ.Эх орон элгэн садан монголчуудаа үнэхээр их саналаа. Хамгийн гол нь монгол хүнээ, та нарыгаа маш их санаж бэтгэрсээр ирлээ.
-Таны биеийн байдал ямар байгаа вэ, эмчилгээгээ дууссан уу?
-Би одоо эмчлүүлж байгаа. Эмчилгээнээсээ чөлөө аваад ирлээ. Биеийн байдал дээрдэж байна. Гэхдээ яаж ч бодсон хуучны Энхбаяр яаж байх вэ дээ.
-Та нутагтаа удах уу. Одоо ямар нэгэн айдас түгшүүр байна уу?
-Тодорхой хугацаагаар байж байгаад эргээд эмчилгээндээ явна аа. Угаасаа айх гэдэг юм аль хэдийнэ алга болсон шүү дээ, миний хувьд. Эд нар одоо намайг яах юм. Барих уу, хорих уу, алах уу. Би үнэндээ юунаас ч айхгүй байна. Харин хамгийн сайхан сэтгэгдэлтэй байна. Би өнөөдөр ямар нэгэн муу юм санаж ирсэнгүй. Хэн нэгэнд гомдоогүй ээ. Хол байхад бүгдээрээ сайхан санагддаг юм байна. Энд байхаар тэр ч болохгүй юм шиг, энэ ч болохгүй юм шиг санагддаг үе байсан. Гэтэл хүний газарт эмчлүүлээд байж байхад энд байгаа хүн бүр маань сайхан санагдаж байлаа. Ер нь тэгээд тэнд байхдаа монголчуудаа маш их саналаа. Монголчууд маань ямар ч солонгос, хятад хүнээс илүү сайхан ажиллаж амьдарч чадна. Ард түмэн, улс орноо хязгааргүй их саналаа. Монголын салхи, өөр хаана ч байхгүй ийм сайхан цэвэр агаараа саналаа. Одоо миний өмнө зогсоод асуулт тавьж байгаа та нарыгаа их саналаа даа.
-Таныг ирэхээс өмнө Солонгосын хэвлэл мэдээллээр иргэншлээ солих гэж байгаа талаар мэдээлж, энд багагүй шуугиан боллоо?
-Тэр бол ямар ч эрүүл саруул ухаантай хүний санаанд байж боломгүй зүйл. Тийм учраас би тийм зүйл ярьж та бүхнийхээ цаг завыг гарздаад яах вэ. Яаж тийм юм байх вэ дээ. Би Монголын ард түмэн та бүгдийнхээ буянаар Монгол төрийн гурван өндөрлөгт гурвууланд нь ажиллаж үзсэн ганц хүн. Төрийн тэргүүн, Үндэсний аюулгүй байдлын зөвлөлийн дарга байсан хүн тийм яриа гаргах, тэр ярианд нэр нь гарах эрх байдаггүй юм. Энэ асуудлыг би маш нарийн эцэслэн шалгуулах болно. Хэн санхүүжүүлэв, хэн хийв гэдгийг эцэслэн шалгаж ард түмэндээ мэдээлнэ.
Эхний байдлаар Солонгосын хэвлэл мэдээллийнхнээс лавлахад, Монголоос тийм мэдээлэл авсан гэж хариулж байна лээ. Тэгэхээр манай монголчууд л тийм буруу мэдээлэл өгсөн нь тодорхой. Яагаад тийм мэдээлэл өгснийг мэдэхгүй. Гэхдээ улстөрийн өрсөлдөгч, Монгол Улсын иргэнийг энэ байдлаар улстөрийн “үхдэл” болгож замаасаа зайлуулна гэж бодож байгаа бол маш том эндүүрэл гэдгийг л хэлчихье. Солонгосуудын дунд монголчууд маань жаахан ичмээр байдалд орлоо.
-Танд дахиад эрүүгийн хэрэг үүсгэсэн гээд байгаа?
-Монголчууд минь ээ, ингээд л дандаа Эрүүгийн хэрэг яриад байх хэрэггүй ээ. Яах вэ хэвлэл мэдээллийнхэн та бүгдэд бол сонин байх л даа. Миний хувьд ард түмэнтэйгээ л сайхан уулзаж байгаадаа их баяртай байна. Эрүүгийн хэргийн хувьд буруу зүйл хийсэн юм байхгүй л дээ.Тэгээд ч эрх баригчид одоо ямар ч асуудлаар буруутгаж чадахгүй гэдгийг хэлье. Одоо надад айх шалтгаан юу ч байхгүй.
-Таны эмчилгээ цаашдаа хэр удаан үргэлжлэх бол?
-Тэрийг би хэлж мэдэхгүй байна. Эмч нар л мэднэ шүү дээ. Гэхдээ одоо Энхбаяр гэдэг ганц хүний аминаас илүү Монголын ард түмний амьдрал чухал шүү. Яагаад гэвэл энд би эцсийн амьсгалаа татах болно. Үр хүүхдүүдийн минь амьдрал энд л үргэлжилнэ.
-Засгийн газрын бүтцийн асуудлаар намынхантайгаа ярилцах уу?
-Намынхан маань миний саналыг сонсох байлгүй дээ. Ер нь Монгол Улс маань бусдаас доор орохгүй л хөгжих ёстой. Өнөөдрийн төр барьж байгаа улсууд, төр бариагүй улсууд бүгдээрээ л нэгдсэн нэгэн зорилготойгоор зүтгэх хэрэгтэй. Надад туршлага, мэдлэг бүгд бий. Хэрвээ Энхбаяр гэдэг хүний туршлага, мэдлэгийг ашиглая, энэ хүн Монголын төрд хэрэгтэй гэвэл би чадлаараа зүтгэнэ. Харин за энэ ч яах вэ дээ гэж хандвал би заавал гуйж гүйхгүй. Одоо ажиллаж байгаа засгийг харвал алдаа дутагдал их байна. Төрийг ингэж засаглаж, ард түмний аж байдал, амьдралыг шийддэггүй л дээ.
-Та хэзээнээс улстөрд эргэн орж, өнөөдрийн эрх баригчдын эсрэг ажиллаж эхлэх вэ?
-Яг одоо хэлэхэд хэцүү асуулт байна. Миний бие тааруухан байна. Эмч нарын хяналтад байгаа. Одоо ч бие чичрээд хэцүүхэн л байна. Гэхдээ нэг л юмыг ард түмэн минь ойлгох хэрэгтэй. Н.Энхбаяр гэдэг хүн эргээд босно, хоёр хөл дээрээ бат зогсоно гэдгийг. За одоохондоо ийм л байна даа.
Нэгэн цагт Энэтхэг улсад эхнэрийн хамт зочлоход тухайн цагийн Энэтхэгийн хэвлэлээр “Төв Азийн хамгийн царайлаг хатагтай” хэмээн Н.Энхбаярын эхнэр О.Цолмонгийн тухай бичиж байв.
Харин долоон жилийн дараа “Чингис хаан” олон улсын нисэх буудалд буусан хоёрын царай тааруухан байв.
Н.Энхбаяр хорихоос суллагдсаныхаа дараа БНСУ-ыг зориод бараг жил гаруйн хугацаанд эмчилгээ хийлгэж байгаад ийнхүү эх орондоо ирж байгаа юм. Эмчилгээнд явахдаа түүний бие ихэд ядарч, турж эцэн “жингийн алдагдал, эсийн задрал” гэсэн оноштой байсан.
Биднийг нисэх буудалд очиход түүний хүү Э.Батшугар болон намын нөхөд, ойр дотныхон нь түүнийг угтаж авахаар нисэх онгоцны буудлын VIP танхимын үүдээр дүүрсэн байлаа. Удалгүй Н.Энхбаяр эхнэрийн хамт гарч ирж, хэвлэл мэдээллийнхэн ч бүчин авч дор бүрнээ асуулт тавьцгаасан.
-Та сайн явж ирэв үү. Монгол нутгаа санав уу?
-Сайн явж ирлээ.Эх орон элгэн садан монголчуудаа үнэхээр их саналаа. Хамгийн гол нь монгол хүнээ, та нарыгаа маш их санаж бэтгэрсээр ирлээ.
-Таны биеийн байдал ямар байгаа вэ, эмчилгээгээ дууссан уу?
-Би одоо эмчлүүлж байгаа. Эмчилгээнээсээ чөлөө аваад ирлээ. Биеийн байдал дээрдэж байна. Гэхдээ яаж ч бодсон хуучны Энхбаяр яаж байх вэ дээ.
-Та нутагтаа удах уу. Одоо ямар нэгэн айдас түгшүүр байна уу?
-Тодорхой хугацаагаар байж байгаад эргээд эмчилгээндээ явна аа. Угаасаа айх гэдэг юм аль хэдийнэ алга болсон шүү дээ, миний хувьд. Эд нар одоо намайг яах юм. Барих уу, хорих уу, алах уу. Би үнэндээ юунаас ч айхгүй байна. Харин хамгийн сайхан сэтгэгдэлтэй байна. Би өнөөдөр ямар нэгэн муу юм санаж ирсэнгүй. Хэн нэгэнд гомдоогүй ээ. Хол байхад бүгдээрээ сайхан санагддаг юм байна. Энд байхаар тэр ч болохгүй юм шиг, энэ ч болохгүй юм шиг санагддаг үе байсан. Гэтэл хүний газарт эмчлүүлээд байж байхад энд байгаа хүн бүр маань сайхан санагдаж байлаа. Ер нь тэгээд тэнд байхдаа монголчуудаа маш их саналаа. Монголчууд маань ямар ч солонгос, хятад хүнээс илүү сайхан ажиллаж амьдарч чадна. Ард түмэн, улс орноо хязгааргүй их саналаа. Монголын салхи, өөр хаана ч байхгүй ийм сайхан цэвэр агаараа саналаа. Одоо миний өмнө зогсоод асуулт тавьж байгаа та нарыгаа их саналаа даа.
-Таныг ирэхээс өмнө Солонгосын хэвлэл мэдээллээр иргэншлээ солих гэж байгаа талаар мэдээлж, энд багагүй шуугиан боллоо?
-Тэр бол ямар ч эрүүл саруул ухаантай хүний санаанд байж боломгүй зүйл. Тийм учраас би тийм зүйл ярьж та бүхнийхээ цаг завыг гарздаад яах вэ. Яаж тийм юм байх вэ дээ. Би Монголын ард түмэн та бүгдийнхээ буянаар Монгол төрийн гурван өндөрлөгт гурвууланд нь ажиллаж үзсэн ганц хүн. Төрийн тэргүүн, Үндэсний аюулгүй байдлын зөвлөлийн дарга байсан хүн тийм яриа гаргах, тэр ярианд нэр нь гарах эрх байдаггүй юм. Энэ асуудлыг би маш нарийн эцэслэн шалгуулах болно. Хэн санхүүжүүлэв, хэн хийв гэдгийг эцэслэн шалгаж ард түмэндээ мэдээлнэ.
Эхний байдлаар Солонгосын хэвлэл мэдээллийнхнээс лавлахад, Монголоос тийм мэдээлэл авсан гэж хариулж байна лээ. Тэгэхээр манай монголчууд л тийм буруу мэдээлэл өгсөн нь тодорхой. Яагаад тийм мэдээлэл өгснийг мэдэхгүй. Гэхдээ улстөрийн өрсөлдөгч, Монгол Улсын иргэнийг энэ байдлаар улстөрийн “үхдэл” болгож замаасаа зайлуулна гэж бодож байгаа бол маш том эндүүрэл гэдгийг л хэлчихье. Солонгосуудын дунд монголчууд маань жаахан ичмээр байдалд орлоо.
-Танд дахиад эрүүгийн хэрэг үүсгэсэн гээд байгаа?
-Монголчууд минь ээ, ингээд л дандаа Эрүүгийн хэрэг яриад байх хэрэггүй ээ. Яах вэ хэвлэл мэдээллийнхэн та бүгдэд бол сонин байх л даа. Миний хувьд ард түмэнтэйгээ л сайхан уулзаж байгаадаа их баяртай байна. Эрүүгийн хэргийн хувьд буруу зүйл хийсэн юм байхгүй л дээ.Тэгээд ч эрх баригчид одоо ямар ч асуудлаар буруутгаж чадахгүй гэдгийг хэлье. Одоо надад айх шалтгаан юу ч байхгүй.
-Таны эмчилгээ цаашдаа хэр удаан үргэлжлэх бол?
-Тэрийг би хэлж мэдэхгүй байна. Эмч нар л мэднэ шүү дээ. Гэхдээ одоо Энхбаяр гэдэг ганц хүний аминаас илүү Монголын ард түмний амьдрал чухал шүү. Яагаад гэвэл энд би эцсийн амьсгалаа татах болно. Үр хүүхдүүдийн минь амьдрал энд л үргэлжилнэ.
-Засгийн газрын бүтцийн асуудлаар намынхантайгаа ярилцах уу?
-Намынхан маань миний саналыг сонсох байлгүй дээ. Ер нь Монгол Улс маань бусдаас доор орохгүй л хөгжих ёстой. Өнөөдрийн төр барьж байгаа улсууд, төр бариагүй улсууд бүгдээрээ л нэгдсэн нэгэн зорилготойгоор зүтгэх хэрэгтэй. Надад туршлага, мэдлэг бүгд бий. Хэрвээ Энхбаяр гэдэг хүний туршлага, мэдлэгийг ашиглая, энэ хүн Монголын төрд хэрэгтэй гэвэл би чадлаараа зүтгэнэ. Харин за энэ ч яах вэ дээ гэж хандвал би заавал гуйж гүйхгүй. Одоо ажиллаж байгаа засгийг харвал алдаа дутагдал их байна. Төрийг ингэж засаглаж, ард түмний аж байдал, амьдралыг шийддэггүй л дээ.
-Та хэзээнээс улстөрд эргэн орж, өнөөдрийн эрх баригчдын эсрэг ажиллаж эхлэх вэ?
-Яг одоо хэлэхэд хэцүү асуулт байна. Миний бие тааруухан байна. Эмч нарын хяналтад байгаа. Одоо ч бие чичрээд хэцүүхэн л байна. Гэхдээ нэг л юмыг ард түмэн минь ойлгох хэрэгтэй. Н.Энхбаяр гэдэг хүн эргээд босно, хоёр хөл дээрээ бат зогсоно гэдгийг. За одоохондоо ийм л байна даа.
Өглөөний сонин
Д.Энхтүвшин
Д.Энхтүвшин