Гэмтэл Согог Судлалын үндэсний төвийн эмч нар улсын төсвийн хөрөнгөөр өөрийн хувийн бизнесийг дэмждэг байсан нь тогтоогдлоо. Тодруулбал, Улсын эмнэлгийг ашиглан хувийн гэр бүлийн хүний компаниас ханган нийлүүлсэн чанарын баталгаагүй хиймэл үений имфлантаар иргэдэд үйлчилдэг байсныг МХЕГ-аас тогтоосон байна.
Энэ нь саяхан тогтоогдсон гэх боловч өнгөрөгч гурван жилийн турш гэмтлийн эмнэлгийг эрх бүхий эмч нар өөрийн болон хагалгааны өрөөнд хувийн компаниас нийлүүлсэн эд зүйл, хиймэл үеийн имфлантийг хадгалж, иргэдэд үйлчилж байсан юм. Нэг хиймэл үеийг 3500-4500 ам.доллараар хийж их хэмжээний ашиг олдог байжээ. Өөрөөр хэлбэл гэмтлийн эмнэлгийн эрх бүхий эмч нар иргэний хуульд зааснаар үндэслэлгүйгээр хөрөнгөжсөн байна гэх хардлагыг төрүүлж байгаа юм.
Харин албаныхан “стандарт, удирдамж батлагдаагүйгээс болоод энэ үйл ажиллагааг зогсоох боломжгүй байсан. Батлагдсан даруйд нь энэ үйл ажиллагааг зогсоох арга хэмжээ авсан” гэж мэдэгдлээ.
Хэрвээ стандарт, удирдамж гэх зүйл нь батлагдахаас өмнө зөвшөөрөлгүй, чанарын баталгаагүй хиймэл үе суулгуулсан иргэд цаашид хохирсон тохиолдолд хэн хариуцлага хүлээх вэ гэсэн асуултанд Эрүүл мэндийн яамны Бодлогын хэрэгжилтийг зохицуулах газрын мэргэжилтэн “Эрүүл мэндийн сайдын тушаал гараагүй байсан ч нарийн мэргэжлийн эмч нар хагалгааг хийж байсан учраас хүндрэл гарсан гэж үзэхгүй байна” гэх тайлбарыг өглөө.
Олон улсад стандарт, удирдамжийг баталж хэрэгжүүлэхийн тулд хоёроос гурван жил болдог. Харин ингэж батлагдах хүртэлх хугацаанд гэмтлийн эмнэлгийн эмч нар хөрөнгөжсөн асуудал яаманд огтхон ч хамааралгүй бололтой. Өөрөөр хэлбэл тэд өнгөрөгч хугацаанд хийгдсэн үений хагалгааг чанарын баталгаатай эсэх нь мэдэхгүй эд зүйлээр хийсэн ч мэргэжлийн эмч нар хагалгааг хийж байсан учраас асуудал байхгүй. Хамгийн гол нь стандарт, удирдамжаа батлахад гол бэрхшээл байлаа гэж хээв нэг тайлбар хэлээд сууж байна.
Иргэд эд эрхтэн солиулах хагалгааг ихэвчлэн гадны өндөр хөгжилтэй орнуудад хийлгэдэг. Гэхдээ төлбөрийн чадвартай нь. Харин чадваргүй хэд нь Монголынхоо эмнэлэг, эмч нарыг бараадна. Харин тэдгээр эмч нар нь улсын эмнэлгийг ашиглан өөрийн хувийн компаниар оруулж ирсэн эд зүйлсийг дур зоргоороо үнэлж, ашиг олж байгаа нь “Ашиг сонирхлын зөрчлөөс урьдчилан сэргийлэх тухай” хуулийн заалтыг ноцтойгоор зөрчиж байгаа юм.
Тиймээс ч МХЕГ-аас АТГ-т хандаад байгаа. Харин АТГ-аас хагалгаа болон хагалгаанд ашиглагдсан гэх эд зүйлсийн тооцоог гаргаж ирэхийг шаарджээ. Дээр дурьдсан нэг үе шилжүүлэх хагалгаа 3500-4500 ам.долларын үнэтэй байдаг. Тэгвэл өнгөрөгч гурван жилийн хугацаанд ГССҮТ-д үений хэчнээн хагалгаа хийгдсэн бол. Энэ бүгдэд Эрүүл мэндийн яамнаас стандарт, удирдамж гэх зүйл нь батлагдаагүйгээс болж эмч нар хувийн бизнесийг цэцэглүүлсээр байж. Яамнаас тодорхой арга хэмжээ авахгүй байгаа учраас эмч нарыг буруутгах эрх алга. Гэвч хүний эрүүл мэндтэй холбоотой асуудал дээр чанарын баталгааг өндөр түвшинд ярих ёстой л баймаар.
Мэдээж өөрийн оруулж ирсэн эд зүйлсийг чанартай, баталгаатай гэж өмгөөлөх биз. Гэвч улсын эмнэлгийг ашиглан хувьдаа ашиг хүртсэн, цаашлаад энэ төрлийн хагалгаа хийлгэсэн иргэдэд ямар нэгэн хүндрэл гарвал хэн хариуцлага хүлээх вэ гэдэг нь асуулт хэвээр үлдэх нь бололтой.
Ами
Оллоо.мн
Энэ нь саяхан тогтоогдсон гэх боловч өнгөрөгч гурван жилийн турш гэмтлийн эмнэлгийг эрх бүхий эмч нар өөрийн болон хагалгааны өрөөнд хувийн компаниас нийлүүлсэн эд зүйл, хиймэл үеийн имфлантийг хадгалж, иргэдэд үйлчилж байсан юм. Нэг хиймэл үеийг 3500-4500 ам.доллараар хийж их хэмжээний ашиг олдог байжээ. Өөрөөр хэлбэл гэмтлийн эмнэлгийн эрх бүхий эмч нар иргэний хуульд зааснаар үндэслэлгүйгээр хөрөнгөжсөн байна гэх хардлагыг төрүүлж байгаа юм.
Харин албаныхан “стандарт, удирдамж батлагдаагүйгээс болоод энэ үйл ажиллагааг зогсоох боломжгүй байсан. Батлагдсан даруйд нь энэ үйл ажиллагааг зогсоох арга хэмжээ авсан” гэж мэдэгдлээ.
Хэрвээ стандарт, удирдамж гэх зүйл нь батлагдахаас өмнө зөвшөөрөлгүй, чанарын баталгаагүй хиймэл үе суулгуулсан иргэд цаашид хохирсон тохиолдолд хэн хариуцлага хүлээх вэ гэсэн асуултанд Эрүүл мэндийн яамны Бодлогын хэрэгжилтийг зохицуулах газрын мэргэжилтэн “Эрүүл мэндийн сайдын тушаал гараагүй байсан ч нарийн мэргэжлийн эмч нар хагалгааг хийж байсан учраас хүндрэл гарсан гэж үзэхгүй байна” гэх тайлбарыг өглөө.
Олон улсад стандарт, удирдамжийг баталж хэрэгжүүлэхийн тулд хоёроос гурван жил болдог. Харин ингэж батлагдах хүртэлх хугацаанд гэмтлийн эмнэлгийн эмч нар хөрөнгөжсөн асуудал яаманд огтхон ч хамааралгүй бололтой. Өөрөөр хэлбэл тэд өнгөрөгч хугацаанд хийгдсэн үений хагалгааг чанарын баталгаатай эсэх нь мэдэхгүй эд зүйлээр хийсэн ч мэргэжлийн эмч нар хагалгааг хийж байсан учраас асуудал байхгүй. Хамгийн гол нь стандарт, удирдамжаа батлахад гол бэрхшээл байлаа гэж хээв нэг тайлбар хэлээд сууж байна.
Иргэд эд эрхтэн солиулах хагалгааг ихэвчлэн гадны өндөр хөгжилтэй орнуудад хийлгэдэг. Гэхдээ төлбөрийн чадвартай нь. Харин чадваргүй хэд нь Монголынхоо эмнэлэг, эмч нарыг бараадна. Харин тэдгээр эмч нар нь улсын эмнэлгийг ашиглан өөрийн хувийн компаниар оруулж ирсэн эд зүйлсийг дур зоргоороо үнэлж, ашиг олж байгаа нь “Ашиг сонирхлын зөрчлөөс урьдчилан сэргийлэх тухай” хуулийн заалтыг ноцтойгоор зөрчиж байгаа юм.
Тиймээс ч МХЕГ-аас АТГ-т хандаад байгаа. Харин АТГ-аас хагалгаа болон хагалгаанд ашиглагдсан гэх эд зүйлсийн тооцоог гаргаж ирэхийг шаарджээ. Дээр дурьдсан нэг үе шилжүүлэх хагалгаа 3500-4500 ам.долларын үнэтэй байдаг. Тэгвэл өнгөрөгч гурван жилийн хугацаанд ГССҮТ-д үений хэчнээн хагалгаа хийгдсэн бол. Энэ бүгдэд Эрүүл мэндийн яамнаас стандарт, удирдамж гэх зүйл нь батлагдаагүйгээс болж эмч нар хувийн бизнесийг цэцэглүүлсээр байж. Яамнаас тодорхой арга хэмжээ авахгүй байгаа учраас эмч нарыг буруутгах эрх алга. Гэвч хүний эрүүл мэндтэй холбоотой асуудал дээр чанарын баталгааг өндөр түвшинд ярих ёстой л баймаар.
Мэдээж өөрийн оруулж ирсэн эд зүйлсийг чанартай, баталгаатай гэж өмгөөлөх биз. Гэвч улсын эмнэлгийг ашиглан хувьдаа ашиг хүртсэн, цаашлаад энэ төрлийн хагалгаа хийлгэсэн иргэдэд ямар нэгэн хүндрэл гарвал хэн хариуцлага хүлээх вэ гэдэг нь асуулт хэвээр үлдэх нь бололтой.
Ами
Оллоо.мн