2021-03-27 11:03:13
Бусад 0
ЭМЯ: Улаанбаатарт 319, орон нутагт 42 тохиолдол нэмэгдэж, БНХАУ-ын нэг иргэн нас барлаа
Эрүүл мэндийн яамнаас шинэ төрлийн  коронавируст халдварын талаар ээлжит мэдээллийг хийлээ.


ХӨСҮТ-ийн дэд захирал Э.Тэмүүлэн: Сүүлийн 24 цагийн хугацаанд 16 салбар лабораториудад нийт 17000 шинжилгээ хийгдсэнээс 361 тохиолдол шинээр нэмэгдлээ. Улсын хэмжээнд нийт батлагдсан тохиолдол 6693 боллоо.  Үүнээс 63,3 хувь буюу 4237 хүн эдгэрсэн байна. Сүүлийн 24 цагийн хугацаанд 87 хүн эдгэрч гарсан байна.  Шинэ халдварын 361 тохиолдол  дотоодод бүртгэгдсэн. Дотоодын нийт халдвар 6157 боллоо. 

Шинэ халдварын 319 нь Улаанбаатар хотод бүртгэгдсэн байна.  Улаанбаатарт нийт 5606 тохиолдол боллоо. Орон нутагт 42 тохиолдол нэмэгдсэн. Орхон аймагт 15, Архангай аймагт 12, Төв аймагт 2, Хөвсгөл аймагт 2, Өвөрхангай аймагт 7, Баянхонгор аймагт 2 тохиолдол тус тус бүртгэгдэж орон нутгийн нийт тохиолдол 551 боллоо. 

Өнгөрсөн 24 цагийн хугацаанд  73 настай, эрэгтэй БНХАУ-ын иргэн коронавирусийн халдварын улмаас нас барсан. Монгол улс дахь коронавирусийн нас баралт нийт 6 боллоо. 

ХӨСҮТ,  Цэргийн төв эмнэлэг, Эх нярай, эмэгтэйчүүдийн 2-р эмэнэлэг, СБД, БГД, СХД-ийн нэгдсэн эмнэлэг, Төв, Хөвсгөл, Дархан-Уул, Баянхонгор, Орхон  аймгийн нэгдсэн эмнэлэгт  нийт 1576  хүн эмчилгээнд байна. Биеийн байдал маш хүнд 7, хүнд 27, хүндэвтэр 183, хөнгөн 1359 хүн байна.



С.Тайшир
Оллоо.мн
Бусдад түгээх
  • gplus