Гуравдугаар сарын 24-ний өдрийн байдлаар нийт 237489 хүн дархлаажуулалтад хамрагдсан. Вакцины хувьд манай улс гурван төрлийн вакциныг хэрэглэж байгаа, сүүлийн байдлаар  Pfizer  вакциныг КОВАКС хөтөлбөрийн хүрээнд авч зорилтот бүлгийн 12870 хүнийг хамруулахаар төлөвлөн ажиллаж байна. Мөн өчигдөр болсон Засгийн газрын ээлжит бус хуралдаанаар цар тахалтай тэмцэх үйл ажиллагаанд шаардагдах 5.9 тэрбум төгрөгийн нэмэлт зардлыг баталсан.

Тэгвэл  вакцины татан авалттай холбогдуулан Гадаад харилцааны сайд Б.Батцэцэг " ОХУ-аас худалдан авахаар хэлэлцээний түвшинд яригдаж байгаа нэг сая тун Спутник-V вакциныг манай улс авахаар боллоо. ОХУ маш их захиалгатай байгаа бөгөөд Монгол Улсын Ерөнхий сайд, Шадар сайдын албан захидал, Монгол Улсын Засгийн газрын уйгагүй хэлэлцээний үр дүн ийнхүү гарч байна. Асуудлыг нааштай шийдвэрлэж буй ОХУ-д талархал илэрхийлье. Цаашид шийдлээ хүлээсэн олон хэлэлцээр хийгдэж байна. Нийт хүн амаа дархлаажуулсан дэлхийн эхний орнуудын нэг болох Засгийн газрын зорилт алхам алхмаар биеллээ олж байна" гэж олон нийтийн сүлжээнд мэдээллээ. 

Оллоо.мн