Сүүлийн өдрүүдэд коронавирусийн халдвар тогтмол 100-гаас дээш илэрч байна. Гуравдугаар сарын 22-нд хамгийн олон буюу 210 хүнээс халдвар илэрлээ.

Халдварын тоо буурахгүй байгаа учир Эрүүл мэндийн яамнаас дөрөвдүгээр сарын 5-19-нийг хүртэлх хугацаанд Гамшгаас хамгаалах улаан түвшинд шилжиж, хатуу хөл хорио тогтоох нь зүйтэй гэж үзсэн.

Уг асуудлаар Улсын онцгой комисс /2021/03/22/ хуралдсан.

Хуралдаанаас гарсан шийдвэрийн талаар УОК-ын дарга С.Амарсайхан "3 дугаар сарын 29-ныг хүртэл Улбар шар түвшинд шилжсэн. Энэ хугацааг  дөрөвдүгээр сарын 5-ныг хүртэл сунгалаа. Өөрөөр хэлбэл, ирэх сарын 05-ныг хүртэл хатуу хөл хорио тогтоохгүй. Харин үйлчилгээний байгууллагуудын ажиллах цагийг багасгах зэрэг тодорхой зохицуулалтууд хийнэ. Энэ талаар Засгийн газрын хуралдаанд танилцуулж /2021/03/23/ тодорхой шийдвэрүүдийг гаргуулна" гэсэн юм.

Оллоо.мн