Г.Сайханбаяр: Дотооддоо цэргийн зориулалттай техник үйлдвэрлэх үндэс суурийг тавьсан

Монгол Улсын Ерөнхий сайд батлан хамгаалах салбар, Зэвсэгт хүчинд шинээр нэвтрүүлж байгаа инноваци, шинэ бүтээл, оновчтой санал шингэсэн зэвсэглэл, цэргийн техник, холбоо, мэдээлэлтэй танилцлаа. “Алсын хараа-2050” урт хугацааны бодлогын баримт бичигт дэвшүүлсэн “Батлан хамгаалах тогтолцоог төгөлдөржүүлэн, технологийн дэвшлийг нэвтрүүлж, Батлан хамгаалах аж үйлдвэрлэлийг хөгжүүлэх” зорилтыг хэрэгжүүлэхэд дэвшил гаргасан. 2020 онд Зэвсэгт хүчний Жанжин штаб цэргийн зориулалттай хөнгөн хуягласан байлдааны машины эхний загвар болон нисгэгчгүй нисэх төхөөрөмжийн хүчин чадлыг нэмэгдүүлсэн шинэ загвар бүтээж, дотооддоо цэргийн зориулалттай техник үйлдвэрлэх үндэс суурийг тавьсан гэдгийг Батлан хамгаалахын сайд Г.Сайханбаяр хэлэв. Мөн Зэвсэгт хүчний Жанжин штабын дарга, хошууч генерал Д.Ганзориг Зэвсэгт хүчний нэгтгэл, ангийн штабын бэлтгэлжилтийг дээшлүүлэх, салбарын галын боломжийг нэмэгдүүлэх болон салаа, тасгийн сургалт, бэлтгэлд ашиглах бүтээлийг танилцуулав.  

Батлан хамгаалах салбар, Зэвсэгт хүчинд наалдацтай, хөгжлийн бодлогод нийцсэн, инновацид суурилсан, хөрөнгө хэмнэсэн бүтээлч ажлыг дэмжинэ гэж Ерөнхий сайд Л.Оюун-Эрдэнэ хэлэв.  Дараа нь сайд Г.Сайханбаяр, Стратегийн бодлого, төлөвлөлтийн газрын дарга, хурандаа С.Ганбямба, Зэвсэгт хүчний Жанжин штабын дарга, хошууч генерал Д.Ганзориг нар товч мэдээлэл өгөв.

2021-2024 онд батлан хамгаалах салбарын хэмжээнд тэргүүлэх ач холбогдолтой 12 төсөл, арга хэмжээ хэрэгжүүлэхээр төлөвлөсөн байна. Тухайлбал агаарын хилийн хяналтыг сайжруулах технологийн шинэчлэл хийх, Агаарын цэргийг дунд оврын нисдэг тэргээр хангах,  Зэвсэгт хүчний кибер аюулгүй байдлын “Дата төв”, Баян-Өлгий аймагт цэргийн II шатны эмнэлэг, Үндэсний батлан хамгаалахын их сургуулийн нэгдсэн лаборатори болон “Жишиг цэргийн хотхон” байгуулах, “Налайх” аэродромын үндсэн зурвасыг сэргээн засварлах зэргийг дурдаж болно.

Зэвсэгт хүчин стратегийн ач холбогдол бүхий бүтээн байгуулалтын төсөл, хөтөлбөрт хувь нэмрээ оруулах, тэр дундаа “Богдхан төмөр зам” төслийг хэрэгжүүлэх бэлтгэлээ хангах, кибер аюулгүй байдлын системээ бусад байгууллагатай хамтарч хийх, улс төрөөс ангид байх, цэргийн албанд сахилга, хариуцлагыг чангатгах, ялангуяа алба хаагчдын дунд зүй бус харилцаа, зөрчил байх ёсгүйг сануулав.


Оллоо.мн

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • иргэн 2021-03-15 14:53:46
    Мөнхийн найз, мөнхийн дайсан гэж байхгүй шүү. Тиймээс ЗХ-нийг шинэ зэвсэг техникээр хангаж бэлэн байдлыг нэмэгдүүлэх ёстой.100 жилийн ойгоор явуулах орчин үеийн...
  • ? 2021-03-13 01:11:32
    Манай улс арми тэжээгээд хэнтэй байлдах, хэний довтолгооноос хамгаалах билээ??? Энэ асуултанд үндэстэй хариулт олдохгүй юм!?