Д.Баттулга: УИХ-ын гишүүд хотоо аврах уу, дампууруулах уу гэдгийг одоо л харъя
Монгол Улсын Засгийн газраас УИХ-д 2015 оны төсвийн төсөл өргөн барьсантай холбогдуулан НИТХ-ын  дарга Д.Баттулга дүүргийн ИТХ-ын дарга, Засаг дарга нартай санал солилцох уулзалт хийлээ. Засгийн газраас өргөн барьсан ирэх оны төсвийн төсөлд жилдээ 450-500 тэрбум төгрөгийн төсөвтэй Улаанбаатар хотод боловсрол, эрүүл мэнд, соёлын  байгууллагын ажилтнуудын цалин, урсгал зардлыг хариуцуулж, хөрөнгө оруулалтын зардлыг тэглэжээ.

Энэ нь тооцоолж буйгаар нийслэл жилдээ 340 гаруй тэрбум төгрөгийг дээрх байгууллагын цалинд зарцуулахаар байгаа юм. Харин нийслэлийн өдөр тутмын ажил, төсөл, хөтөлбөрийг хэрэгжүүлэх бүтээн байгуулалтын ажилд ямар ч хөрөнгө тусгаагүй бөгөөд нийслэлд иргэдээс төвлөрүүлдэг албан татваруудыг хоёр  дахин нэмэгдүүлж, хөрөнгө босгох чиглэл өгсөн байгаа юм.

Монгол Улсын Засгийн газар энэ төсвийн төслөө орон нутгийн эрх мэдлийг нэмэгдүүлэх, бие даасан байдлыг бий болгох бодлогоор боловсруулсан гэж тайлбарлаж байгаа бол нийслэлийн удирдлагууд эсрэг байр суурьтай байна. Уг төслийг УИХ-д өргөн барихаас өмнө нийслэлийн удирдлагууд Ерөнхий сайд Н.Алтанхуягтай уулзаж удаа дараа асуудлыг ярьж, тайлбарласан ч  нөхцөл байдлыг үл харгалзан дээрх төслийг өргөн барьжээ.

Тиймээс Нийслэлийн ИТХ-ын дарга Д.Баттулга дүүргийн удирдлагуудтай уулзаж, дүүргээс сонгогдсон УИХ-ын гишүүдэд асуудал тавьж, тус төслийг батлахгүй байх хэрэгтэйг анхааруулжээ. Хэрвээ энэ төслийг УИХ-аар баталвал 2015 оны нэгдүгээр  сараас нийслэлийн багш, эмч нар, соёлын байгууллагын ажилтнуудын цалинг нийслэл олгож чадахгүйд хүрч, I улиралд 71,  II улирал гэхэд 105 тэрбум төгрөгийн төсвийн алдагдалд орно гэдгийг нийслэлийн Засаг даргын Санхүү, эдийн засгийн асуудал хариуцсан орлогч Н.Батаа хэлсэн юм. Харин нийслэлийн ИТХ-ын дарга Д.Баттулга “Монгол Улсын Засгийн газраас нийслэлийн иргэдийнхээ нуруун дээр хүнд ачаа үүрүүлж, ийм төсвийн төсөл өргөн барьсанд үнэхээр гайхаж байна.

Үндсэндээ энэ төслийг баталвал хот дампуурч, нийслэлээс хэрэгжүүлж буй бүх төсөл, хөтөлбөр шууд зогсоно гэдгийг Засгийн газрын тэргүүнд учирласан. Гэвч цалин, тэтгэвэр, иргэдийн орлогыг нэмэхгүй байж иргэдээс авдаг авто тээврийн татвар, үл хөдлөх хөрөнгийн татварыг хоёр дахин нэмэгдүүлж, хөрөнгө босгох чиглэл өгч байгааг бид эсэргүүцэж байна. Үүнийг бид яагаад ч хүлээж авч чадахгүй. Нийслэл гэдэг их айлын иргэн бүрийн төлөө бид ажиллаж байгаа.

Тиймээс тэдний эрх ашгийн төлөө цаашдаа ч тууштай ажиллах болно. Ийм хүнд ачааг зүгээр хараад үүрэхгүй гэдгийг албан ёсоор мэдэгдье” гэлээ. Мөн “Энэ хүнд байдлаас гарахын тулд УИХ-ын гишүүд уг төсвийн төслийг батлахгүй байх ёстой. Тиймээс ард түмнээсээ сонгогдсон парламентын гишүүд Улаанбаатар хотыг аврах уу, дампууруулах уу гэдгийг одоо л харна” гэдгийг тодотгон хэлсэн юм.  Дүүргийн удирдлагууд ч өөрсдийн дүүргээс сонгогдсон УИХ-ын гишүүдэд энэ асуудлаар хандана гэдгээ илэрхийлжээ.

Нийслэл өнгөрсөн жил төсвийн орлогоо 16 тэрбум төгрөгөөр давуулан биелүүлсэн бол өнөөдрийн байдлаар нийслэлийн төсөв 30 тэрбум төгрөгөөр тасарчээ. Энэ нь орлоготой, цалинтай иргэдийн тоо буурсантай холбоотой гэдгийг албаныхан хэлж байна. Тиймээс ийм үед нийслэлийн бүтээн байгуулалтыг зогсоож, төсвөөр дарамтлах шийдвэрийг УИХ-аас гаргахгүй гэж найдаж байгаа юм.
Монголын мэдээ
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • хот 2014-10-21 05:49:55
    Хотынхон авилга авдагаа болиогүй цагт хот хөгжинө гэж юу байх вэ. хогийн уут хэнд хэрэгтэй вэ. бүтэхгүй ажил хийнэ.
    202.5.202.130
    Мэдэгдсэн Хариулах
  • жийргэн 2014-10-14 07:37:30
    Тэр төсвөөсөө энэ жил 00-ын цаас тараах уу
    203.91.112.66
    Мэдэгдсэн Хариулах
  • Ганаа 2014-10-11 22:18:01
    Харин ч гайгүй л байна ш дээ. Тэртэй тэргүй ихэнхийг нь гадаадад тоглолт үзэх, томилолтоор явах гээд огт хэрэггүй зүйлд л зарахаас хойш
    109.188.124.89
    Мэдэгдсэн Хариулах
  • erdem 2014-10-10 07:34:15
    hognii uutand merbum mugrug hairan bna shuu
    202.70.42.34
    Мэдэгдсэн Хариулах
  • 1904 2014-10-10 06:30:09
    эрээн цэцэг хогны төмөр сав , ногоон уутанд хичнээн тэрбумыг зарцуулав? хот дүүрэг хорооны орон тоог нэмсэн чадваргүй мэдлэггүй усан толгойтнуудаа цомхотго.
    182.160.39.158
    Мэдэгдсэн Хариулах
  • Бат-Үүл Баттулга нарт 2014-10-10 02:06:49
    Та нарын туршилтад зарцуулдаг мөнгийг чинь л танасан байна шд . Зөв шд
    202.179.27.219
    Мэдэгдсэн Хариулах
  • зочин 2014-10-10 01:37:36
    Иргэдийн төлөө яг санаа зовж харагдаач, Баттулга аа, чи, илүү дутуу зарцуулдаг мөнгө нь багасах гээд үхэх гэж байх шиг байна даа,
    202.179.23.122
    Мэдэгдсэн Хариулах