Монгол Улсын Ерөнхий сайд Л.Оюун-Эрдэнэ “Ковид-19”-ийн вакцин хүлээн авах, хадгалах бэлэн байдлыг шалгаж ХӨСҮТ-ийн ажил байдалтай танилцсан. Эрүүл мэндийн сайдын хэлснээр энэ сарын 23-наас эхлэн вакцинжуулалт эхэлнэ. Ингэхдээ долоон үе шаттайгаар хүн амыг вакцинжуулах юм.
Ерөнхий сайд сайд Л.Оюун-эрдэнэ ХӨСҮТ-ийн мэргэжилтнүүдтэй уулзах үеэрээ "Манай улс “Ковид-19”-ийн вакцин хүлээж авах, хадгалах бэлтгэлээ бүрэн хангалаа. Өнөөдрөөс вакцин татаж авах ажил эхэлж байна. Шаардлагатай хөрөнгийг Засгийн газар гаргана. Ерөнхий сайдын хувьд хамгийн эхний тунг тариулж иргэдээ уриална" гэсэн юм.
С.Тайшир
Оллоо.мн