Монгол улсын Ерөнхий сайд У.Хүрэлсүхийн Засгийн газар өчигдөр бүрэлдэхүүнээрээ огцорсон. "Өнөө, маргаашгүй Ерөнхий сайд тодорч, Засгийн газараа байгуулах шаардлагатай" хэмээн Ерөнхий сайд асан У.Хүрэлсүх мэдэгдэж байсан.
Тэгвэл Монгол Ардын Намын Удирдах Зөвлөлийн хурлаар УИХ-ын гишүүн, ЗГХЭГ-ын дарга, Монгол Улсын сайд Л.Оюун-Эрдэнийг Монгол Улсын 32 дахь Ерөнхий сайдад нэр дэвшүүлэх намын даргын саналыг 100 хувийн саналаар дэмжлээ.
Төгссөн сургууль, мэргэжил:
· 2001 онд Бэрс дээд сургууль, сэтгүүлч
· 2005 онд Австралийн Мельбурний их сургууль, Олон улсын төсвийн менежментийн чиглэлээр мэргэжил дээшлүүлсэн
· 2008 онд МУИС-ийн Хууль зүйн сургууль, эрх зүйч
· 2008 онд МУБИС-ийн Нийгмийн ухааны сургууль, боловсрол судлалын магистр
· 2011 онд МУИС-ийн Улс төр, нийгмийн шинжлэх ухааны сургууль, улс төр судлаач
· 2015 онд АНУ, Харвардын Их сургуулийн Төрийн удирдлагын сургууль, магистр
Ажилласан байдал:
· 2001 онд Хэнтий аймгийн Бэрх хотын захирагчийн албанд Тамгын газрын дарга
· 2002 онд “Дэлхийн зөн Монгол” Олон улсын байгууллагын Хан Хэнтий нутгийн хөгжлийн хөтөлбөрийн удирдагч
· 2006 онд “Дэлхийн зөн Монгол” Олон улсын байгууллагын Улаанбаатарын бүсийн захирал
· 2008 онд Баянзүрх дүүргийн Нийгмийн бодлогын хэлтсийн дарга
· 2009 онд МАН-ын Удирдах Зөвлөлийн Хэрэг эрхлэх газрын дарга
· 2016 оноос Монгол Улсын Их Хурлын гишүүн
С.Тайшир
Оллоо.мн