МУ-ын Ерөнхийлөгч Х.Баттулга УИХ-ын чуулганы нэгдсэн хуралдаанд оролцож үг хэллээ.
УИХ-ын дарга, эрхэм гишүүд ээ
Өнөөдөр Монгол улсын түүхэнд тэмдэглэгдэх хар өдөр тохиож байна.
Монголын ард түмний итгэл найдварыг хүлээж, манлайлан дагуулж, төр улсаа удирдах үнэмлэхүй эрхийг МАН-д авчирсан МУ-ын 31 дэх Ерөнхий сайд У.Хүрэлсүх тааж тааварлахын аргагүй учир битүүлэг шалтгаанаар үүрэгт ажлаасаа нэн шуурхай огцрохоор боллоо. Харамсалтай байна. МУ-ын Ерөнхий сайд Монголын ард түмний итгэл найдварыг хөсөрдүүлэх ийм үйлдэл яагаад хийх болов. Үндэсний эв нэгдлийг бусниулах, МУ-ын Ерөнхийлөгчийг илэрхий гүтгэх үг үйлдлийг яагаад хийх болов гэдэгт эргэлзэхийн дээдээр эргэлзэж, гайхахын дээдээр гайхаж байна. Улс Монголынхооо төлөө хоёргүй сэтгэлээр хамтран зүтгэсэн Ерөнхий сайдаас маань ийм үг, үйлдэл гарна чинээ би санасангүй.
Нэгэн зүйл маш тодорхой байна. Тусгаар Монгол улсыг эзэгнэн дарлах гэсэн тодорхой бүлэглэл төрийн эргэлт хийж байна. Өнөөдөр Оюутолгой төслийн үйл ажиллагааг дотоодын төдийгүй гадаадын хууль хяналтын байгууллагууд шалгаж эхэлсэн. Ийм учраас тэд Монголын төрийг хямрааж, Монголын ард түмний сонголтыг нухчин дарах ажлыг удирдан зохион байгуулж хэрэгжүүлээд эхэллээ. Үндэсний аюулгүй байдлын зөвлөлийн гишүүд урьд өмнөх үндэсний аюулгүй байдлын зөвлөлийн үеэс илүү нэгдмэл санаа бодол нэгэн зорилготойгоор хамтран ажиллаж, улс орны өмнө тулгамдсан асуудлуудыг нэг цонхоор харж чадаж байсан.
МУ-ын төрийн тэргүүн Үндэсний аюулгүй байдлын зөвлөлийн тэргүүн миний бие Ардчилал анх эхэлсэн цэгтээ эргэн ирлээ гэж дүгнэж байна. МУ засаглалын хямралд орлоо гэдгийг УИХ-ын индэр дээрээс дүгнэн мэдэгдэж байна. Үндсэн хуулийн нэмэлт өөрчлөлтийн зөвлөлдөх ажлын хэсгийг миний бие өөрөө ахлан ажиллаж байсны хувьд МУЗГ-ын насжилт, урт удаан хугацаанд үр дүнтэй ажиллах ёстой хэмээн үзэж Ерөнхий сайдын эрх мэдлийг нэмэгдүүлж үндсэн хуулийн нэмэлт өөрчлөлийг саяхан баталж байсан.
Иргэдийн сайн дураараа эвлэлдэн нэгдсэн жагсаалыг хэн нэгэн удирдан зохион байгуулсан мэт илтэд хуурамч мэдээлэлд итгэн гаргаж буй мэдэгдэлд би туйлын харамсаж байна. Өөрийнхөө шууд удирдаж буй ТЕГ болон ЦЕГ -ын удирдлагуудаас мэдэх бүрэн боломж бас байгаа. 2020 оны УИХ-ын сонгуулийн үр дүн бол МУ-ын Ерөнхий сайд У.Хүрэлсүхийн хувь хүний манлайлал нэр хүндэд итгэж найдсан иргэд сонгогчдын сонголт байсан. Гэтэл цар тахал эдийн засгийн нэн эрсдэлтэй цаг үед нийт ард түмний итгэл найдварыг хөсөрдүүлэх эрх энэ хүнд байхгүй. Би МУ-ын 31 дэх Ерөнхий сайд У.Хүрэлсүхийг үүрэгт ажлаасаа чөлөөлөгдөхийг огт дэмжихгүй байна гэдгээ энэ индрээс мэдэгдье гэлээ.
С.Тайшир
Оллоо.мн
УИХ-ын дарга, эрхэм гишүүд ээ
Өнөөдөр Монгол улсын түүхэнд тэмдэглэгдэх хар өдөр тохиож байна.
Монголын ард түмний итгэл найдварыг хүлээж, манлайлан дагуулж, төр улсаа удирдах үнэмлэхүй эрхийг МАН-д авчирсан МУ-ын 31 дэх Ерөнхий сайд У.Хүрэлсүх тааж тааварлахын аргагүй учир битүүлэг шалтгаанаар үүрэгт ажлаасаа нэн шуурхай огцрохоор боллоо. Харамсалтай байна. МУ-ын Ерөнхий сайд Монголын ард түмний итгэл найдварыг хөсөрдүүлэх ийм үйлдэл яагаад хийх болов. Үндэсний эв нэгдлийг бусниулах, МУ-ын Ерөнхийлөгчийг илэрхий гүтгэх үг үйлдлийг яагаад хийх болов гэдэгт эргэлзэхийн дээдээр эргэлзэж, гайхахын дээдээр гайхаж байна. Улс Монголынхооо төлөө хоёргүй сэтгэлээр хамтран зүтгэсэн Ерөнхий сайдаас маань ийм үг, үйлдэл гарна чинээ би санасангүй.
Нэгэн зүйл маш тодорхой байна. Тусгаар Монгол улсыг эзэгнэн дарлах гэсэн тодорхой бүлэглэл төрийн эргэлт хийж байна. Өнөөдөр Оюутолгой төслийн үйл ажиллагааг дотоодын төдийгүй гадаадын хууль хяналтын байгууллагууд шалгаж эхэлсэн. Ийм учраас тэд Монголын төрийг хямрааж, Монголын ард түмний сонголтыг нухчин дарах ажлыг удирдан зохион байгуулж хэрэгжүүлээд эхэллээ. Үндэсний аюулгүй байдлын зөвлөлийн гишүүд урьд өмнөх үндэсний аюулгүй байдлын зөвлөлийн үеэс илүү нэгдмэл санаа бодол нэгэн зорилготойгоор хамтран ажиллаж, улс орны өмнө тулгамдсан асуудлуудыг нэг цонхоор харж чадаж байсан.
МУ-ын төрийн тэргүүн Үндэсний аюулгүй байдлын зөвлөлийн тэргүүн миний бие Ардчилал анх эхэлсэн цэгтээ эргэн ирлээ гэж дүгнэж байна. МУ засаглалын хямралд орлоо гэдгийг УИХ-ын индэр дээрээс дүгнэн мэдэгдэж байна. Үндсэн хуулийн нэмэлт өөрчлөлтийн зөвлөлдөх ажлын хэсгийг миний бие өөрөө ахлан ажиллаж байсны хувьд МУЗГ-ын насжилт, урт удаан хугацаанд үр дүнтэй ажиллах ёстой хэмээн үзэж Ерөнхий сайдын эрх мэдлийг нэмэгдүүлж үндсэн хуулийн нэмэлт өөрчлөлийг саяхан баталж байсан.
Иргэдийн сайн дураараа эвлэлдэн нэгдсэн жагсаалыг хэн нэгэн удирдан зохион байгуулсан мэт илтэд хуурамч мэдээлэлд итгэн гаргаж буй мэдэгдэлд би туйлын харамсаж байна. Өөрийнхөө шууд удирдаж буй ТЕГ болон ЦЕГ -ын удирдлагуудаас мэдэх бүрэн боломж бас байгаа. 2020 оны УИХ-ын сонгуулийн үр дүн бол МУ-ын Ерөнхий сайд У.Хүрэлсүхийн хувь хүний манлайлал нэр хүндэд итгэж найдсан иргэд сонгогчдын сонголт байсан. Гэтэл цар тахал эдийн засгийн нэн эрсдэлтэй цаг үед нийт ард түмний итгэл найдварыг хөсөрдүүлэх эрх энэ хүнд байхгүй. Би МУ-ын 31 дэх Ерөнхий сайд У.Хүрэлсүхийг үүрэгт ажлаасаа чөлөөлөгдөхийг огт дэмжихгүй байна гэдгээ энэ индрээс мэдэгдье гэлээ.
С.Тайшир
Оллоо.мн