''Сань Яа -2021'' Азийн элсний спортын наадам дахин хойшиллоо

Кувейт улсад байрлах Азийн Олимпийн Зөвлөл БНХАУ-ын Сань-Яа хотноо ирэх дөрөвдүгээр сарын 2-10-ны өдрүүдэд зохион байгуулагдахаар товлогдоод байсан Азийн элсний спортын 6 дугаар наадмыг хойшлуулах шийдвэрийг шинэ оны өмнөхөн гаргалаа. Ингэхдээ дэлхий дахиныг түгшээгээд байгаа Ковид-19 цар тахлаас үүдэн дээрх саналыг гаргасныг ОСА-гийн гүйцэтгэх зөвлөлийн бүх гишүүн санал нэгтэйгээр дэмжсэн байна.

Уг нь тус наадмыг 2020 оны 11 дүгээр сарын 28-наас 12 дугаар сарын 6-ны хооронд зохион байгуулахаар төлөвлөж байсан. Гэвч цар тахлын улмаас энэ оны 4 дүгээр сар хүртэл хойшлуулаад байсан бөгөөд энэ удаад мөн л тодорхойгүй хугацаагаар хойшилж байна. “Сань Яа-2021” наадмыг хэзээ зохион байгуулах талаарх шинэ товыг оролцогч талууд хамтран зөвлөлдсөний үндсэн дээр тодорхой болгох бөгөөд спортын 18 төрлөөр зохион байгуулах юм.

Манай тамирчдын хувьд Азийн элсний спортын наадамд 9 төрөлд оролцоно. Тодруулбал, акуатлон, 3х3 сагсан бөмбөг, элсний гандбол, элсний волейбол, элсний бөх, модон бөмбөг, жү-жицү, спорт авиралт, тэкбол зэрэг төрөлд оролцох юм.
 

МҮОХ

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.