Шинэ он солигдохтой зэрэгцэн Цэс Хайрхан ХХК-ийн оргилуун дарстай холбоотой бичлэг цахим орчинд тархсан. Тодруулбал, тус үйлдвэр нь “Советское” болон “Тансаг” нэртэй бүтээгдэхүүний шошгийг дарж, битүү өөр өнгийн цаасаар бүрэн “LUXURIOUS” оргилуун дарс нэрээр борлуулсан байна. Харин хэрэглэгчид уг дарсны гандах бүрээс цаасыг хуулж, цахим орчинд түгээснээр дээрх зөрчлүүд шил дарааллан илэрсэн юм. Иймээс ШӨХТГ-аас уг асуудлаар Цэс Хайрхан ХХК-ийн удирдлагуудтай уулзалт хийж, тайлбар авсан байна. Тэдний зүгээс 2020 оны 12-р сарын 11-нд үйлдвэрлэлд хэрэглэхээр төлөвлөсөн шинэ шилэн лонх гааль дээр саатсан тул цөөн тооны бүтээгдэхүүнд манай үйлдвэрийн бусад оргилуун дарс болох “Советское” болон “Тансаг” бүтээгдэхүүнийхээ шилэн лонхыг ашигласнаа хүлээн зөвшөөрсөн байна.
Гэвч нэг биш их хэмжээний шошготой саванд үйлдвэрлэл явуулж байхад ээлжийн хянагч, үйлдвэрийн удирдах түвшнийхэн мэдээгүй байна гэдэг боломжгүй зүйл. Мөн “Советское” болон “Тансаг” зэрэг бүтээгдэхүүний шилэнд дахин савлагаа хийсэн бол угааж ариутгах явцад шил шошго арилах ёстой. Гэвч Цэс Хайрхан ХХК-ийн оргилуун дарсаа шууд шошготой шилэнд савласан байна. Энэ нь үйлдвэрлэхдээ ариутгал, цэвэрлэгээг хийсэн эсэх нь эргэлзээ дагуулж байна.
Ийнхүү үндэсний үйлдвэрлэл нэрээр хэрэглэгчдийн итгэл дээр дөрөөлөн ашиг олох замаар ёс зүйгүй, хариуцлагагүй үйлдэл гаргасан нь олон нийтийг бухимдуулж байна.
Оллоо.мн