“Ариун алтан тэвш” бөөний төвийн эзэн Б.Алтанхуяг нь борлуулалт хийж яваад алга болсон бөгөөд түүнийг цогцсыг 15 хоног дараа Налайхын уурхайгаас олсон юм. Харин түүний унаж явсан ачааны зориулалт бүхий микро автомашиныг Төв аймгийн Зуунмод хотоос олдсон билээ.
Улмаар цагдаагийн газрын албан хаагчид талийгаачийн үхэлд буруутай байж болзошгүй П гэгч этгээдийг Хонхороос барьж, саатуулан шалгах болсон юм. П нь БЗД-ийн 11 дүгээр хороонд байрлах хүнсний дэлгүүр ажиллуулдаг нэгэн байсан бөгөөд талийгаачийн үхэлд буруутай болохыг мөрдөн байцаалтын явцад тогтоожээ.
Тодруулбал, П нь талийгаачийн тээвэрлэж явсан архийг хамаатныхаа гаражид нуусан байсныг илрүүлсэн байна. Энэ талаар ЦЕГ-ын хэвлэл мэдээллийн төвийн ахмад Ё.Лхагвасүрэн “Гэмт этгээдийн буруутайг бүрэн нотолсон. Сэжигтэн П-д Монгол Улсын эрүүгийн хуулийн тусгай ангийн 91.2.1-д зааснаар эрүүгийн хэрэг үүсгэн, ШШГЕГ-ын харьяа цагдан хорих 461 дүгээр ангид саатуулан шалгалтын ажиллагаа үргэлжилж байна” гэж мэдэгдсэн юм.
Ами
Оллоо.мн