Коронавирус цар тахалтай холбоотойгоор Улсын онцгой комиссоос авч хэрэгжүүлж байгаа арга хэмжээний талаар өнөөдөр мэдээлэл хийлээ. Энэ үеэр хүлэмжийн ногооны импорттой холбоотойгоор ХХААХҮЯ болон Гадаад харилцааны яамнаас Ажлын хэсэг байгуулагдаж, Зам-Үүдэд газар дээр нь ажиллаад ирсэн бөгөөд нарийн ногооны импортын зарим асуудлыг харилцан тохиролцсоноор нарийн ногооны нийлүүлэлт тогтворжино гэсэн юм.
Харин өндөгний нийлүүлэлтийн тухайд ХХААХҮ-ийн сайд З.Мэндсайхан хариулахдаа “Дотоодын өндөг үйлдвэрлэгч компаниудын нийлүүлэлт өмнөх үетэйгээ адил тоо хэмжээгээр зах зээлд нийлүүлэгдэж байгаа. Баяр ёслол дөхсөнтэй холбоотойгоор иргэдийн өндөгний хэрэглээ нэмэгдсэн. Дээр нь Алтанбулаг боомт ажиллахгүй байгаа учраас Оросоос нийлүүлдэг өндөгний тээвэрлэлтийг төмөр зам руу шилжүүлсэн. Өнөөдөр гэхэд хойд хөршөөс 4 вагон өндөг орж ирж байна” гэлээ.
О.ОНОН
Оллоо.мн
О.ОНОН
Оллоо.мн