ЭМЯ: Сэлэнгэ аймагт 5 тохиолдол нэмэгдлээ
Эрүүл мэндийн яамнаас шинэ төрлийн  коронавируст халдварын талаар ээлжит мэдээллийг хийлээ.

ХӨСҮТ-ийн Тандалт судлалын албаны дарга А.Амбасэлмаа "2020 оны арванхоёрдугаар сарын 13-ний өдөр  ХӨСҮТ-ийн вирус судлалын 3 лаборатори, ЗӨСҮТ-ийн вирус судлалын лаборатори, ЗӨСҮТ-ийн вирус судлалын автолаборатори, Дархан-Уул, Сэлэнгэ, Орхон, Архангай, Дорнод  аймгийн салбар лабораториудад  8574 хүнд шинжилгээ хийснээс 5 тохиолдол нэмж бүртгэгдлээ. Сэлэнгэ аймагт илэрсэн 5 тохиолдол нь ойрын хавьтлаар тусгаарлалтад байсан гэр бүлийн хүмүүсийн давтан шинжилгээнээс илэрсэн байна. Ингээд Сэлэнгэ аймгийн батлагдсан нийт тохиолдол 213  боллоо.  Улаанбаатарт нийт 138, Дархан-Уулд нийт 45, Орхонд нийт 25, Архангайд нийт 3, Дорноговьд нийт 31, Говьсүмбэрт нийт 4 тохиолдол байна.  Дотоодын нийт тохиолдол 459 байна.

  Монгол Улсын хувьд нийт батлагдсан тохиолдол 912, эдгэрсэн 384 хүн байна. ХӨСҮТ,  Цэргийн төв эмнэлэг, Сэлэнгэ аймгийн нэгдсэн эмнэлэг, Хан-Уул дүүргийн эмнэлэгт нийт 519 хүн эмчилгээнд байна.  Хөнгөн 438 хүн, хүндэвтэр  75, хүнд 5, маш  хүнд 1 хүн  байна" гэв.

С.Тайшир
Бусдад түгээх
  • gplus