COVID-19: Их Британи вакцинжуулалтаа эхэлсэн хоёр дахь орон боллоо

Монгол Улс дотооддоо тархсан халдвараа хэрхэн хяналтад авах тухай гарцыг олж чадаагүй байтал, манайхаас олон сарын өмнө халдвар тархсан орнууд COVID-19-ийн эсрэг вакциндаа иргэдээ хамруулж эхэллээ. Тодруулбал, өнгөрөгч амралтын өдрүүдээр ОХУ-ын Москва хотод вакцинжуулалт эхэлсэн талаар бид өмнө нь мэдээлсэн. Тэгвэл Их Британи улсад цар тахлын эсрэг вакцинжуулалт өчигдөр эхэлжээ. ОХУ-ын хувьд өөрсдийн туршиж буй “Sputnik-V” вакцинд иргэдээ хамруулсан бол Их Британи улс АНУ, Германы хамтран бүтээсэн коронавирусын эсрэг 90 хувийн үр дүн үзүүлснээ зарласан  “Pfizer” вакцинд иргэдээ хамруулж байгаа нь энэ юм. Тэд 80-аас дээш насны ахмад настан болон зарим эрүүл мэндийн ажилтнуудаа вакцинд хамруулах 70 цэгийг эмнэлгүүддээ нээжээ. Тус улсын Засгийн газрын мэдээлснээр 60 мянга гаруй хүн цар тахлаар амиа алдаад байгаа юм.

Тиймээс хэвийн амьдралдаа хурдан буцаж шилжихийн тулд эмзэг бүлгийн хүмүүсээ халдвараас хамгаалах зорилгоор бүх нийтийн вакцинжуулалтыг эхлүүлсэн юм. Энэ талаар Эрүүл мэндийн яамны нарийн бичгийн дарга Мэтт Хэнкокк “Хонгилын үзүүрт гэрэл харагдаж байна. Вакцинжуулалтыг эхлүүлнэ гэдэг бол энэ аймшигт өвчинтэй тэмцэж, хэвийн амьдралдаа шилжих чухал мөч юм” гэж ярьжээ.

Их Британи тус вакцинаас 40 сая тунг захиалсан. Энэ нь 20 сая хүн хоёр тунгаар тариулах боломжтой гэсэн үг. Эхний ээлжинд хүлээн авсан 800 мянган тун вакциндаа эрсдэлт бүлгийнхнээ хамруулж эхлээд байна. Энэ оны сүүлээр гэхэд 10 сая тун вакцин нийлүүлэхээр төлөвлөж байсан ч үйлдвэрлэлийн явц удааширсан тул дөрвөн саяыг нийлүүлэх боломжтой гэж “Pfizer” мэдэгджээ. Мөн вакциныг -70 градуст хадгалах нь хүндрэлтэй байгаа талаар мэргэжилтнүүд ярьсан байна.

Эх сурвалж: “Зууны мэдээ” сонин
Б.Долэинэав

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Zochin  2020-12-09 21:20:23
    Turshiltiin vacitsiniig sain duraar ni xiij b.gaa
    108.162.245.71
    Мэдэгдсэн Хариулах