Хятад нүүрсний татварын шинэ тогтолцоотой болно
Хятад улс ирэх арванхоёрдугаар сарын 1-нээс нөөцийн шинэ татварыг нүүрсэн дээр тогтоож, одоогийн татваруудаа хүчингүй болгохоор болжээ. Энэ шийдвэрээ эрх баригчид нь нүүрсний салбарынханд татварын бүтцийг хялбаршуулж байгаа үйлдэл гэж тайлбарласан байна.
 
Хятадын төрийн зөвлөлөөс нүүрсний салбарын татварыг энгийн ойлгомжтой болгохын тулд байгаль орчны нөхөн төлбөрийн хураамж зэрэг олон татвар хураамжийг тэглэжээ. Нүүрсний татварын энэ өөрчлөлт байгалийн баялаг ихтэй оронд өгөөжтэй төдийгүй бүсүүдийн харилцан хөгжил, баялгийн олборлолтод эерэгээр нөлөөлнө гэж тус улсын Төрийн зөвлөл үзжээ.
 
Урд хөршийн нүүрсний салбарын холбооны мэдээлж байгаагаар нийлүүлэлт хэт их байгаагаас Хятадын өөрийнх нь нүүрс олборлогчид хүнд байдалд орж 70 хувь нь алдагдал хүлээгээд байгаа аж. Шинэ татварыг нүүрсний хэмжээ бус суурь үнэ дээр тавих юм. Нарийвчилсан тооцооны хувийг бүс бүсээр нь гаргах юм байна. Гэхдээ бүсээс хамааран 2-10 хувийн хооронд хэлбэлзэнэ гэж тооцоолжээ. Энэ төрлийн зохицуулалтыг Хятад түүхий нефьт болон байгалийн хийн салбартаа ашигладаг ажээ.
Зууны мэдээ
Э.Өнөр
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.