Хувийн тэтгэврийн тухай хууль гараанаас гарлаа
Нийгмийн бодлогын байнгын хорооны энэ долоо хоногийн хуралдаанаар Хувийн тэтгэврийн тухай хуулийн төсөл болон хамт өргөн мэдүүлсэн хуулийн төслийг үзэл баримтлалын хүрээнд дэмжих боломжгүй гэж шийдвэрлэсэн. Байнгын хорооноос шийдвэр гарахтай зэрэгцэн нийгэмд  шүүмжлэл дагуулсан юм.

Тэгвэл хуулий төслийн хэлэлцэх эсэхийг өчигдөр чуулганы хуралдаанаар шийдвэрлэв.  Бүр тодруулбал хуулийн төслийн хэлэлцэх эсэхийг дэмжих, анхны хэлэлцүүлэгт бэлтгүүлэхээр холбогдох байнгын хороонд шилжүүллээ.

Ирээдүйд ахмад настан олон эх үүсвэрээс тэтгэвэр авах нөхцөл боломжийг бүрдүүлэх, нэг тулгуурт тогтолцооноос олон тулгуурт тогтолцоонд шилжих хүрээнд хувийн тэтгэврийг бий болгох зайлшгүй шаардлага тулгараад буй. Гэхдээ манай улсад хувийн тэтгэврийн харилцааг зохицуулсан хууль эрх зүйн орчин бүрдээгүй  байгаа юм.
    Хувийн тэтгэврийн тухай хуулийн төсөл нь Монгол Улсад тэтгэврийн олон давхаргат тогтолцоог нэвтрүүлэх хүрээнд ахмад настан олон эх үүсвэр бүхий тэтгэврийн орлоготой байх хувийн тэтгэврийн эрх зүйн үндсийг бүрдүүлж, Хувийн тэтгэврийн санг бий болгох, шимтгэл төлөгчдийн хуримтлалыг бий болгох, түүгээр хөрөнгө оруулах, хяналт тавихтай холбоотой харилцааг зохицуулах юм байна. 

    Хуулийн төсөлд нэг хуулийн этгээдийн Хувийн тэтгэврийн санд эзлэх хувь 10-аас хэтрэхгүй байх, Монгол Улс 5-аас илүүгүй хувийн тэтгэврийн сантай байх, нийт тэтгэврийн сангийн 1-ээс илүүгүй хувийг компани, аж ахуйн нэгжид хөрөнгө оруулалт хийх эрхийг олгох, хөрөнгө оруулалт хийж буй аж ахуйн нэгжийн 10 хувиас хэтрэхгүй хэмжээнд хөрөнгө оруулалт хийж, Тэтгэврийн сангаас аливаа хэлбэрийн зээл, урамшуулал олгохгүй байх, шимтгэл төлж буй иргэдээс бүрдсэн хяналтын зөвлөлийг ажиллуулах зэргээс гадна компанийн засаглал, хөрөнгө оруулалтын бодлоготой холбоотой зохицуулалтыг тусгайлан оруулсан гэлээ. Хуулийн төслийг баталснаар хамгийн ажлын байрыг олноор бий болгогч компани, аж ахуйн нэгжүүд нэгдэн Хувийн тэтгэврийн сан үүсгэж, ажилчдадаа болон олон нийтийн тэтгэврийн хуримтлалыг үүсгэж эхлэх бөгөөд ирэх 5 жилийн хугацаанд багадаа 300 мянган иргэн хувийн тэтгэврийн хуримтлалтай болох тооцоолол хийжээ.

Одоогийн хуулиар бид нийгмийн даатгалын 24 хувийнхаа 17-г нь Тэтгэврийн даатгалын санд төлдөг. Үүнийх нь 8.5 хувийг нь ажилтан, 8.5 хувийг нь ажил олгогч төлөхөөр зохицуулсан. Тэгвэл энэ хуулийн төслөөр, 17 хувийнхаа 4 хувийг нь Хувийн тэтгэврийн санд төлөхөөр сонголт хийх эрх зүйн боломжийг нээж өгөх юм.  

Тодруулбал, сарын нэг сая төгрөгийн цалинтай хүн орлогынхоо 4 хувь буюу 40 мянган төгрөгийн Хувийн тэтгэврийн санд төлнө. Ингэж хуримтлал бүрдүүлснээр, хүүнээс хүү тооцох аргачлалаар хуримтлал нэмэгдэх юм. Жишээлбэл, 800 мянган төгрөгийн цалинтай хүн орлогынхоо 13 хувийг төрийн Тэтгэврийн даатгалын санд төлөөд, 4 хувиа Хувийн тэтгэврийн сандаа өөрийн сонголтоор төлснөөр, 30 жилийн дараа 76 сая 852 мянга 902 төгрөгийн хуримтлал үүснэ. Энэ мөнгөө үр хүүхэддээ өвлүүлэх бололцоог хуулиар нээхээс гадна шаардлагатай эрүүл мэндийн үйлчилгээ авах, түүнчлэн орон сууцны урьдчилгаанд өгөх боломжийг нээж өгөх юм. Мөн Хувийн тэтгэврийн сан байгуулснаар, тэтгэвэр нэмэх нөхцөл бүрдэнэ гэдгийг хууль санаачлагчид хэлж байгаа юм. 


О.ОНОН
Оллоо.мн
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • zochin 2020-10-30 06:08:34
    zuv shiidver bna xen durtai dongoirood ulsiin ajiliig uurt ashigtai bolgox gdg bolson bna xuviin tetgeverin san gej tetgevert baij boloxgui bdaggui zuil
  • ХУУЛЬЧ  2020-10-30 02:43:14
    ТӨРИЙН ТЭТГЭВЭРИЙН САНГАА ХООСОЛДОГ ЭНЭ ҮЕД ХУВИЙН ТЭТГЭВРИЙН САН НЭРТЭЙГЭЭР ИРГЭНИЙХЭЭ ӨВГӨРӨХ НАСНЫ БАТАЛГААГ ХУЛГАЙЛАХ ХУУЛЬ ГАРГАСАНД ХАРАМСАНА ,,,,,
  • Бат 2020-10-30 01:32:25
    Зардалгүй ажил гэж байхгүй хувийн тэтгэвэр гэж гараад дампуурвал яахав мөн л төр харицах уу
  • АХ 2020-10-30 01:25:26
    ЭНЭ МАН НЭРЭЭ ХЭДЭН АХМАД НАСТАНГ ДОРОМЖИЛЖ БАЙНА. ИЙМ ЧУХАЛ АСУУДАЛ ХЭЛЭЛЦЭХ ХҮРАЛД 4 ГИШҮҮН ИРЭЭГҮЙ, НЭГ ГИШҮҮН АНДУУРЧ КНОП ДАРСАН Ч ГЭХ ШИГ. НОВШ