Орон нутгийн сонгуулийн дүнгээр  НИТХ-ын 45 суудлын 34 буюу 75.5 хувьд нь МАН-аас нэр дэвшигч ялалт байгуулсан юм. Ингэснээр МАН нийслэлд засаглах эрхтэй болсон.

Энэ дагуу нийслэлийн МАН-ын хороо хуралдаж, НИТХ-ын даргад Ж.Батбаясгаланг, нийслэлийн Засаг дарга бөгөөд Улаанбаатар хотын захирагчид Д.Сумъяабазарыг томилохыг дэмжсэн юм. МАН-ын Удирдах зөвлөлийн хуралдаанаар нийслэлийн МАН-ын хорооны саналыг бататгасан. Ийнхүү өнөөдөр НИТХ-ын Анхдугаар хуралдаанаараа хотын удирдлагуудыг хэлэлцэн томилно.
 
О.ОНОН
Оллоо.мн