УИХ-ын намрын чуулган нээлтээ хийлээ.  УИХ-ын дарга Г.Занданшатар чуулганыг нээсний дараа Ерөнхийлөгч Х.Баттулга үг хэллээ.   

Монгол Улсын Ерөнхийлөгч Х.Баттулга:

- Шинэ УИХ-ын анхны намрын чуулган эдийн засгийн хүндрэлийг даван туулах, ирэх жилийн төсвийг алдагдалгүй батлахад илүүтэй анхаарахаас аргагүй болж байгааг сануулахаар чуулганы хуралдаанд оролцож байна.  

Орон нутагт нөхцөл байдал хүнд байна. Олон сумдын нутгаар өвөлжилт хүндрэх нөхцөл үүсчээ. Малчдын гол орлого болох малын гаралтай түүхий эдийн үнэ унасан байна. Тэгш хандлага тэнцвэртэй хөгжил орон нутагт үгүйлэгдэж байна. Аливаа улс үндэстэн аж үйлдвэрүүдийн цогцолборыг зөв тогтоож, дэд бүтцийг иж бүрэн төлөвлөн 5-10 жил бүтээн байгуулалт хийснээр хөгжил нь ирдэг.  Өнгөрсөн хугацаанд бүтээн байгуулалт өрнүүлсэнгүй. Импорт шүтэж, зээл хүссэн улс боллоо. Төсвийн сахилга бат үгүй боллоо. Орон нутгийн захиргаа дураар авирлах нь хэрээс хэтэрчээ. Огт шаардлагагүй зүйлсэд төсвийн хөрөнгийг үрэн таран хийсээр байна. Төсөвт ийм хүйтэн сэтгэлээр хандаж болохгүй. Татвар төлөгчдийн мөнгийг дур зоргоороо үрж болохгүй. Жирийн иргэд халамж биш ажлын байр хүсч байна. Бидэнд орлого маш их орлого хэрэгтэй байна. Экспортын орлого олох төслүүдийг зоригтой дэмжээд түлхээд өгөх хэрэгтэй. Баялаг нь байна, боломж нь байна. Ширүүн өвөл эдийн засгийн доройтол айсуй ирлээ. 

Юу яасан архины савлагаа, юу яасан дээлийн хээ, юу яасан Кембриджийн хөтөлбөр. Шийдэх ёстой маш олон асуудал байна. Та бүхнийг үйлдвэржилтийг өрнүүлж үй олон ажлыг байрыг бий болгож, экспортын орлого ихээр олох асуудлыг энэ тэргүүнд хэлэлцээд шийдээд өгөөч гэж хүсэж, шаардаж байна. 

О.ОНОН
Оллоо.мн