Амласныг нэхье

МАН ээлжит сонгуулийн амлалтаа Засгийн газрын үйл ажиллагааны хөтөлбөр болгон боловсруулснаа  энэ сарын 10-нд  legalinfo эрх зүйн мэдээллийн нэгсэн системд бүрэн эхээр нь байршуулсан.

Иргэдийн амьдралын гол үндэс болсон бага өртөгтэй  орон сууц, түрээсийн сууц хөтөлбөр хэрэгжүүлэх  нь энэ удаагийн Ардын намын онцлох амлалтын нэг байв. Ялангуяа Ж.Эрдэнэбатын үеэс эргэлтэд оруулсан Түрээсийн сууц хөтөлбөр Ардын намын рейтингийг ихэд өргөж ирсэн. 

Тэгвэл  Засгийн газраас хэрэгжүүлсэн бага өртөгтэй сууц, түрээсийн орон сууц нь эрүүл ахуйн шаардлага хангахгүй байгаа. Зорилтот бүлгийнхнийг хамруулсан Түрээсийн орон сууцнууд нь  стандарт бус. Үүнээс үүдэж рүүл мэндээоээ хохирсон гэх  өргөдөл, гомдол ХЭГ-ын дарга Л,Оюун-Эрдэнэ, Ерөнхий сайд У.Хүрэлсүх нарт өнгөрсөн долоо хоногт хүрч, ид   чихийг  нь халууцуулж эхлээд байна. Орон нутгийн сонгууль угтан онцгүй мэдээлэл гарсанд Ардын нам яаралтай арга хэмжээ авч эхэлсэн. Засгийн газраас, холбогдох хяналт, шалгалтын байгууллагуудыг хамруулан  Ажлын хэсэг гаргаж  “Хангай” хотхон, “Буянт-Ухаа” хороололд үүссэн асуудлын мөрөөр шалгах үүрэг өгснийг зарим эх сурвалж хэлж байгаа юм. Тодруулбал, “Хангай” хотхон, “Буянт-Ухаа” хорооллын  түрээсийн орон сууцанд хамрагдсан зарим иргэнд  толгой өвдөх, даралт ихсэх шинж тэмдэг илэрчээ. Эмнэлгээр яваад онош нь олдохгүй  энэ хүрсэн байна. Гэтэл орон сууц нь стандартын  шаардлага хангахгүй,  агааржуулагчийг хоолойг  зөв хийгээгүй,  орон сууцны шалтнаас тааз хүртэлх хэмжээ 2.8 м байх ёстой атал 2.4-2.6 м-ээр хийж 12 давхар  барилгаас даруй 2-3 давхарыг  “хэмнэсэн” нь илэрчээ. Анх оруулахдаа м/кв-ын үнийг  1.280.000  гэж тооцсон атал одоо 1.850.000 болгож үнийг нэмсэн зэрэг зөрчил бас бүртгэгджээ. Үүнд иргэд бухимдахдаа   “Монголын төр зорилтот бүлгийнхнээр тохуурхаж байна” хэмээн гомдоллож буй юм.

Тэгэхээр “Бага өртөгтэй орон сууц”, “Түрээсийн сууц” хөтөлбөр хэрэгжүүлнэ, Анх удаа орон сууц худалдан авахад нь урьдчилгаа төлбөргүй, жилийн 4-6 хувийн  хүүтэй хөнгөлөлттэй зээлд хамруулна гэсэн Ардын намын амлалт болгоомжлол дагуулж байна. Нөгөөтэйгүүр, МАН-ын амлалтад “Түрээсийн сууц” хөтөлбөр хэрэгжүүлнэ гэж бий. Гэтэл  Засгийн газрын хөтөлбөрт  “Бага өртөгтэй орон сууц” хөтөлбөр хэрэгжүүлэх, бага хүүтэйгээр орон сууцанд хамруулах гэхчлэн өөрчлөгдөж орж иржээ. Тэгэхээр бага орлоготой учраас хэчнээн бага хүүтэй ч гэсэн  зээл авах боломжгүй, НДШ төлдөггүй иргэд МАН-ын амласан орон сууцны хөтөлбөрт хамрагдах боломжгүй болж байна.


МАН-ын амлалт: ХУРИМТЛАЛЫН НЭГДСЭН САН БА ОРОН СУУЦТАЙ ӨРХ

 

1.2.3. “Хуримтлалын нэгдсэн сан”-гаар дамжуулж, нийгмийн даатгал төлдөг иргэн анх удаа орон сууц худалдан авахдаа урьдчилгаа төлбөргүй ипотекийн зээлд хамрагддаг тогтолцоог бий болгоно.

1.2.4. Зорилтот бүлгийн иргэдийн орон сууцны урьдчилсан төлбөрийг бууруулах, чөлөөлөх үе шаттай арга хэмжээ авна.

1.2.5. Анх удаа байр авч байгаа бага, дунд орлоготой иргэдэд 4-6 хувийн хүүтэй орон сууцны ипотекийн зээл олгоно.

1.2.6. Үндэсний орон сууцны нэгдсэн корпорац байгуулж, Хуримтлалын нэгдсэн сан, Үндэсний баялгийн сантай хамтарч төр хувийн хэвшлийн түншлэлд тулгуурлан 150,000 өрх, айлыг орон сууцтай болоход дэмжлэг үзүүлнэ. Үүнд: Хүн амыг орон сууцаар хангах үндэсний хөтөлбөрийн хэрэгжилтийг хангасан 80 мянган айлын орон сууц “Бага өртөгтэй орон сууц” хөтөлбөрийг санаачлан 50 мянган айлын орон сууц “Түрээсийн орон сууц” хөтөлбөрийг хэрэгжүүлнэ.


Засгийн газрын үйл ажиллагааны хөтөлбөр

Барилга, хот байгуулалт: Анх удаа орон сууц худалдан авахад нь урьдчилгаа төлбөргүй, жилийн 4-6 хувийн  хүүтэй хөнгөлөлттэй зээлд хамруулна

3.7.Газрын харилцаа, барилга, хот байгуулалтын нэгдмэл удирдлага, менежментийн тогтолцоог бэхжүүлж, иргэдийн орон сууцны хангамжийг нэмэгдүүлнэ.

3.7.8.Үндэсний орон сууцны нэгдсэн корпорац байгуулж, орон сууцжуулах хөтөлбөрийг бүсчилсэн хөгжлийн үзэл баримтлалд нийцүүлэн шинэ зохион байгуулалтаар өргөжүүлэн хэрэгжүүлнэ.

3.7.9.Хуримтлалын нэгдсэн санг байгуулан төр, хувийн хэвшлийн түншлэлд тулгуурлан 150 мянган өрх, айлыг орон сууцтай болоход дэмжлэг үзүүлж, орон сууцны хорооллыг барих ажлыг бүсчилсэн хөгжлийн үзэл баримтлалд тулгуурлан үе шаттай эхлүүлнэ.

3.7.10.Нийгмийн даатгал төлдөг бага, дунд орлоготой иргэдийг анх удаа орон сууц худалдан авахад нь урьдчилгаа төлбөргүй, жилийн 4-6 хувийн хүүтэй орон сууцны хөнгөлөлттэй зээлд хамруулна.


Эх сурвалж: “Зууны мэдээ” сонин
Ч.Зотол


 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • MONGOL 2020-09-27 08:56:22
    Mongol chuud temtsej chaddaggui ,avilgalchdiig devshuuleed,dahin songood,ulam targaluulaad,oorsdoo zovood bh durtai humuus dee
  • Сонгогч 2020-09-26 13:59:28
    Улсын байгууллагад олон жил ажиллаж, карьер хийсэн хүмүүсийг сонгуулиар сонгоцгооё!
  •  2020-09-25 05:18:03
    улс амьтанд гай болоод байгаа дарганцаруудаа цаазлаад ардуудаа чөлөөлөөд өгөөч.
  • ХУУЛЬЧ  2020-09-25 02:31:34
    ОРОН НУТГИЙН СОНГУУЛИАР ИХС ДЭЭДСЭЭС АМАЛСАНАА НЭХЭДГҮЙ Л ДЭЭ ХАРИН ОРШИН СУУГЧДЫН ҮНДСЭН ХУУЛЬД ЗААСАН ҮНДСЭН ЭРХИЙГ ХЭНЭЭР ХАМГААЛУУЛАХ ГЭЖ БАЙГААГ НЭХДЭГ ЮМ...
  • Бат 2020-09-25 00:51:59
    Ёстой хуцах юм аа даралт ихсэх толгой өвдөх нь байрнаас болжээ гэх үү тэгээд ч танд сонгох эрх бий та наад орон сууцандаа амьдрахаа болчих